26 May 2015

Celebrate/Selebra La'o Hamutuk's 15th Birthday/Aniversário

Ami konvida belun sira mai partisipa iha La’o Hamutuk nia selebrasaun aniversário ba dala 15 no diskusaun ho tema “ZEESM” iha La’o Hamutuk nia edifísiu, iha Bebora, Dili.
We would like to invite dear friends to participate in La’o Hamutuk’s 15-year anniversary celebration and a discussion on “ZEESM” at La’o Hamutuk's office in Bebora.

Thursday/Kinta, 28 May 2015

Ajenda

  • 15.00-16.00: Aprejentasaun no diskusaun nakloke ho tema “ZEESM”
    Presentation and open discussion on “ZEESM”

  • 16.00-16-30: “Tinan sanulu resin lima ezisténsia La’o Hamutuk nian” Liafuan husi staff no belun La’o Hamutuk nian
    “Fifteen years of La’o Hamutuk’s existence” Remarks from staff and friends of La’o Hamutuk

  • 16.30-19.30: Han hamutuk no palku nakloke
    Dinner and open mike
We who invite / Ami ne’ebé Konvida: Adilsonio, Alexandra, Armindo, Charlie, Francisco, Ines, Juvinal, Luciana, Marcelino, Mariano, Maxi, Niall, Odete, Pelagio

Iha pergunta ruma kontaktu / If you have questions please contact Odete Moniz 77365675 or Inês Martins 7666095.

04 May 2015

Rekoñese sala - Boye tenke selu fila fali tokon $3.5 ba Timor-Leste

Substánsia husi deklarasaun argumentu ida ne’e mak: HA'U KONSPIRA ATU DEFRAUDE
LIU HUSI HALO TRANSFERENSIA OSAN ATU EZEKUTA PLANU ELABORADA   
Ha'u hakarak deklara ha'u kulpadu ba akordu pleito ida ne’e.                  
KONKORDA NO SIMU:                                                                            
/s/ BOBBY BOYE                                    Data: 19 Marsu 2015                 
Iha 28 Abril 2015, eis asesór ba taxa petroleu iha Ministériu Finansas, Bobby Boye, rekoñese iha Tribunal Federal EUA nian katak nia halo konspirasaun atu na’ok Timor-Leste nia osan tokon $3.51 iha 2012. Ho ida ne’e, Boye bele hetan kastigu másimu to’o tinan 20 iha prizaun. Sentensa sei halo iha loron 13 Agostu. Informasaun kle’an kona-ba ninia krime, informasaun falsu kona-ba nia an rasik, no ninia istória atividade kriminál ne’ebé naruk bele asesu husi La'o Hamutuk nia website.

Boye hetan kapturasaun iha New Jersey, Estadus Unidus iha Juñu 2014 no hetan Termu Identidade Rezidénsia (TIR) enkuantu prokurador no advogadu defensór sira negósia ninia akordu pleito (plea bargain). Iha Novembru tinan kotuk, nia termina kontratu ba ninia advogadu privadu no hetan asistensia defensór públiku (ne’ebé hetan selu ho sidadaun EUA sira nia osan husi taxa) tanba ninia “inkapasidade finansiál.” Ne’e duni Defensór Públiku K. Anthony Thomas reprezenta Boye durante akordu pleito (plea bargain) iha ne’ebé Bobby Boye rekoñese katak nia halo duni krime no promete atu selu fila fali Timor-Leste.

Iha 28 Abril, Boye halo aplikasaun ba Tribunal atu permite nia rekoñese nia sala ba konspirasaun atu na'ok liu husi transferénsia eletrónika. Hafoin Boye halo abdikasaun ba direitu ba akuzasaun husi tribunal no julgamentu, nia konfesa katak nia sala duni ba Juiz Freda L. Wolfson durante minutu 40 ba ninia audiensia, hanesan haktuir iha FBI nia komunikadu imprensa

Iha prokurador nia akuzasaun, Boye konkorda atu, deskreve nia servisu iha Timor-Leste inklui kriasaun falsu “estabelese ona, kompañia direitu no kontabilidade multinasional” Opus & Best, ne’ebé Boye mesak mak membru uniku ba kompañia ne’e. Iha akuzasaun ne’e hatete katak 2012-2013, Boye “ho koñesimentu no intentionalmente halo konspirasaun no konkorda ho ema sira seluk, koñesidu no deskoñesidu, atu inventa skema no manobra atu lohi [Timor-Leste] liu dalan fantasia reprezentasaun no promesa sira ne’ebé konkretamente falsu no bosok…”  Sira nia objetivu mak atu “arguidu BOYE no ema sira seluk hariku sira nia an liu dalan fraude atu hetan kontratu konsultóriu sira ne’ebé lukrativu husi [Timor-Leste].” Akuzasaun la mensiona konspirador sira ne’ebé asosia ho nia iha Timor-Leste.

Boye “obriga” ninia kaben (oras ne’e divorsiadu) Ediltruda Kalikawes (ne’ebé la temi ka hetan akuzasaun) “atu kria Opus & Best nia konta email sira, inklui konta ida ba nia parseiru” ‘Dominic Lucas’ (ne’ebé mós la temi ka hetan akuzasaun -- seidauk klaru karik nia eziste ka lae). O&B nia tenderizasaun ba kontratu sira ho Timor-Leste “kompostu deklarasaun falsu lubuk ida no reprezentasaun sira ne’ebé konkretamente falsu ne’ebé ho intensaun atu fó [Timor-Leste] impresaun sala katak Opus & Best ne’e kompañia ida estabelisidu no iha lejitimidade hodi hala'o” operasaun iha kontinente lubuk ida ba tinan barak nia laran ho “talentu advogadu, kontabilista no ekonomista sira ho kualidade klase primeiru.”

Maski nune’e, prokurador sira hakerek, “Iha realidade, arguido BOYE kria Opus & Best ho objetivu atu hatama dokumentu tender falsu sira. No mós, Opus & Best la iha funsionáriu nein ida aleinde arguido BOYE…” Boye mós “selu nia [kaben] atu kria website ida ba Opus & Best ne’ebé fahe informasaun misreprezentadus lubuk ida …” Boye “esploita ninia filiasaun iha Komisaun ba Revizaun Tender ninian” atu “dirije” kontratu sira ba Opus & Best no depois halo Timor-Leste atu transfere $3,510,000 ba Boye nia konta bankária husi Juñu to’o Dezembru 2012.

Iha Abril 2013, Boye tenta atu hetan tan $250,000 husi Timor-Leste ba “Opus & Best Hong Kong.” "[Timor-Leste] rejeita proposta ida ne’e, no la kleur depois ida ne’e, arguidu BOYE husik hela [Timor-Leste]." Iha fulan Maiu nia rohan, ‘Dominic Lucas’ haruka invoice ida mai Timor-Leste husu “pagamentu ikus” ho montante $630,000 maibé Timor-Leste la selu ida ne’e.

Prokurador deskreve oinsá’ “BOYE manipula” transferénsia osan tokon $3.5 husi Timor-Leste ba Opus & Best “ba nia uzu pesoál,” inklui hodi sosa rai no uma haat, karreta luxu tolu no relójiu (ne’ebé karun tebes) rua. Hanesan parte ba ninia akordu pleito, Boye sei lakon nia direitu ba sasan hirak ne’e, inklui mós “$4,233,015.42, nu’udar total montante nia hetan husi krime ne’ebé nia halo.”

Boye rekoñese katak nia halo konspirasaun atu komete fraude transferénsia, ne’ebé bele hetan pena prizaun másimu ba tinan 20 no multa dala rua kompara ho osan ne’ebé nia na'ok husi krime ka montante osan ne’ebé vítima lakon, konforme ida ne’ebé mak nia montante boot liu. “Aleinde ne’e, BOBBY BOYE mós konkorda atu reembolsa buat hotu ne’ebé lakon nudár rezultadu husi ninia atividade kriminál ka forma husi skema, konspirasaun ka baze ba krime ne’ebé nia halo (pattern of criminal activity underlying the offense) ba [Timor-Leste] ho montante $3,510,000.” 

La'o Hamutuk hanoin katak “forma husi skema, konspirasaun ka baze ba krime" bele inklui pagamentu sira ba Boye ba servisu hotu ne’ebé nia hetan liu husi bosok sira. Aleinde ne’e karik avaliasaun impostu balun ne’ebé nia inisia hasoru kompañia mina-rai sira ikus mai sai inválidu, Timor-Leste nia despeza legal no gastus seluk halo ba prosesu ida ne’e bele sai mós parte ba forma ida ne’e, inklui funan no/ka kustu legal sira ne’ebé painél arbitrajen sei orden ba Timor-Leste atu selu ba kompañia sira. Boye karik hahú kazu hirak ne’e nudár parte ba ninia manobra atu manán konfiansa husi ulun boot Timor-oan sira, tanba nia hatene katak kompañia sira provavelmente selu uluk molok halo rekursu. Osan ne’ebé sei lakon bele liu fali tokon $3.51, no tenke ezije ba Boye atu selu hotu. Akordu pleito ne’ebé halo la taka kazu administrativu sira ka kazu sivíl sira seluk. Ami hanoin karik iha posibilidade atu espulsa Boye husi prátika legal ka karik Timor-Leste bele lori kazu sivíl ida hasoru nia.

Maski pena ba konspirasaun atu komete fraude transferénsia bele hetan másimu tinan 20 iha prizaun, akordu pleito klasifika ida ne’e nudár “ofensa nivel 24” tuir Matadalan Sentensas nian, ne’e duni toma mós konsiderasaun katak arguidu “simu ninia responsabilidade.” Bazeia ba Tabela Sentensas ninian, no depende karik sei konsidera mós Boye ne’ebé rekoñese nia sala iha 2006 ka lae, iha posibilidade nia sei hetan de’it kastigu prizaun ba tinan 4-6, ne’ebé mak sei deside iha Tribunal iha 13 Agostu.

Pájina web La’o Hamutuk nian kona ba Bobby Boye nia kazu iha informasaun ne’ebé kompletu liu no atualiza regularmente. Tuir nafatin.