09 November 2018

Lisensamentu Ambientál – hodi proteje ita hotu

Hanesan valór kulturál ne’ebé iha dezde tempu bei'ala sira, ita Timoroan rekoñese relasaun xave entre ema nia moris, animal sira, no ita nia ambiente naturál. Proteje Timor-Leste nia ambiente ne’ebé frajil mak importante tebes ba dezenvolvimentu nasionál no hodi hadi’a kualidade moris povu nian. Ambiente mak fó oportunidade ba ita atu halo natar, han, hemu, halo ita nia atividade peska no simu ár fresku no bele dada iis. Se ita husik ita nia rikusoin natural hetan estraga, sei rezulta problema hamlaha, bee-sa’e (diluvia), poluisaun, fo’er venenozu/tóksiku no hada’et moras oioin. Ne’e hetan rekoñese iha Artigu 61 husi Konstituisaun Timor-Leste:
  1. Ema hotu-hotu iha direitu atu moris iha ambiente ema moris nian ne’ebé moos, nabelun-di’ak ho natureza, no iha obrigasaun atu proteje no halo di’ak ba jerasaun loron ikus nian.
  2. Estadu rekoñese katak iha nesesidade atu tau matan didi’ak no fó valór ba ita-nia rain nia riku-soin.
  3. Estadu tenke fó-sai buat ne’ebé mak sei halo atu defende natureza maibé sei hodi hala’o mós nia ekonomia.
Hanesan Planu Dezenvolvimentu Estratéjiku 2011-2030 esplika, “Povu Timor-Leste iha relasaun forte tebes ho nia meiu ambiente naturál. Husi jerasaun ba jerasaun, ita-nia bei-ala sira depende ba ambiente hodi asegura ai-han, roupa, materiál hodi harii edifísiu sira no buat hotu ne’ebé esensiál ba moris. Ita hela iha armonia ho ambiente, ho uza nia iha dalan sustentável hodi suporta ita-nia família sira.”

Hodi atinje objetivu sira-ne’e, no atu proteje Timor-Leste nia jeolojia no sistema ekolójiku (rikusoin ambientál) ne’ebé úniku (la iha ida seluk hodi troka), projetu dezenvolvimentu sira ho risku signifikante ba ambiente presiza hetan avaliasaun no lisensamentu molok sira implementa, inklui avaliasaun ba impaktu sira ne’ebé iha posibilidade ba ambiente no oinsá halo planu hodi jere risku sira, durante faze konstrusaun no mós faze operasaun nian. Iha tinan 2011, Timor-Leste estabelese ona ninia Dekretu-Lei kona-ba lisensamentu ambientál, no molok ida ne’e, iha lei AMDAL Indonézia nian ne’ebé aplika. Maski nune’e, ladún iha informasaun ba públiku kona-ba prosesu lisensamentu ba projetu dezenvolvimentu sira – liuliu projetu sira ho risku boot ba ambiente - ne’ebé estabelese ona iha tinan hitu liubá. To’o projetu barak mak opera maibé sira ignora obrigasaun legal sira atu aplika.

RDTL nia Dekretu-Lei no. 5/2011, 9 Fevreiru ba Lisensamentu Ambientál (Portugés orijinál ka Inglés) obriga proponente projetu sira ne’ebé hamosu impaktu signifikante ba ambiente atu prepara Avaliasaun Impaktu Ambientál (EIA - Environmental Impact Assessment) no Planu Jestaun Ambientál (EMP - Environment Management Plan - Art.4). Autoridade Ambientál Superiór, agora Sekretáriadu Estadu ba Ambiente (SEA) kria komité (Art. 10) atu avalia proposta EIA no EMP, hala’o konsultasaun públiku (Art. 11), no obriga atu hadi’ak (Art. 12.3, 14.3) molok halo rekomendasaun (Art.13) no emite lisensa (Art.14). Hanesan hakerek iha La’o Hamutuk nia karta aberta ba Primeiru Ministru iha fulan-Setembru, ami kontra MPM (Ministériu Petróleu no Mineirus) bele emite lisensa ambientál sira ba projetu iha setór petróleu no mineiru tanba eziste konflitu interese. Artigu ida-ne’e sei fahe informasaun kona-ba dezafiu no prosesu sira ba implementasaun lisensamentu ambientál iha Timor-Leste.

Tuir lei, la bele hahú implementa konstrusaun projetu sein lisensa (Art.23.5); multa ba sira ne’ebé la tuir lei ne’e bele to’o dolar rihun atus-rua lima-nulu ($250,000) (Art.34.5). Lisensa sira (ho rekerimentu espesiál sira ka mós razaun se la emite lisensa) tenke publika iha Jornal da República (Art.14.4, 21.4) no Autoridade Ambientál Superiór tenke mantein rejistu públiku ba lisensa no avaliasaun sira ho informasaun seluk (Art. 38).

Maski Dekretu-Lei ne’e la perfeitu, nia bele ajuda proteje Timor-Leste nia ambiente no rikusoin sira. Maibé atu halo ida ne’e, lei ne’e presiza implementa ho di’ak. La’o Hamutuk preokupa tebes katak projetu boot barak la’o kleur ona maibé seidauk tuir prosesu lei Lisensamentu Ambientál no mós seidauk iha sansaun multa hanesan lei haruka. Tuir lei, edifísiu sira ne’ebé andár liu nivel 2, iha rai ho tamañu ektare 2 ka liu konsidera nu’udar kategoria A, ne’ebé iha impaktu ambientál boot no iha rekizitu espesiál hodi proteje ambiente no komunidade lokál nia interese. Maibé to’o ohin loron maski konstrusaun sira remata ona, projetu barak mak seidauk halo aplikasaun ruma atu hetan lisensamentu ambientál husi SEA. Proponente sira ne’e mak hanesan: Aeroportu Oecusse, Timor Plaza (Comoro), no Edifísiu Ministériu Finansas (Kampung Alor). Ami enkoraja ema hotu ne’ebé iha informasaun kona-ba projetu sira seluk ne’ebé tuir loloos tenke iha lisensa ambientál (kritéria iha Dekretu-Lei nia anexu) atu fó-hatene SEA kona-ba situasaun ne’e. Aleinde Lei Lisensamentu Ambientál, Diploma Ministerial sira esplika kle’an kona-ba prosesu lisensamentu nian, no bainhira projetu sira la tuir prosesu loloos, ita hotu iha direitu no devér atu lori kazu ne’e ba instituisaun kompetente sira: SEA, PDHJ no Ministériu Públiku.

Haree ba kotuk, iha Marsu 2014 La’o Hamutuk hetan informasaun husi Autoridade Ambientál Superiór tempu ne’ebá katak sira sei halo prosesu aplikasaun ba projetu 5 no emite lisensa tiha ona ba projetu 11, inklui 2 husi kategoria A: Projetu Pelican Paradise iha Tasi Tolu no Suai Supply Base (SSB), ne’ebé rua-rua abandona konstrusaun to’o lisensa mate no agora iha prosesu hela atu renova no hetan fali. Tuir dokumentu 2014 nian, SSB hetan lisensa ambientál liuhosi “interferénsia polítika”.  [Link to English blog from 2014.]
Iha Maiu 2016, La’o Hamutuk hakerek karta ba Provedór Direitus Umanus no Justisa (PDHJ) husu atu Provedoria bele kolabora ho Autoridade Superior Ambientál no instituisaun estadu seluk atu halo investigasaun no intervensaun ba proponente projetu sira ne’ebé la kumpre Dekretu-Lei Lisensamentu Ambientál atu bele asegura injustisa labele kontinua akontese no mós proteje ema vulneravel sira nia direitus umanus. Durante tinan 2 ho balun ona, La’o Hamutuk seidauk hetan resposta husi PDHJ kona-ba karta ida-ne’e.

Iha Fevreiru 2018, La’o Hamutuk halo pedidu no hetan dokumentu lubuk husi prosesu aplikasaun ba lisensa ambientál, inklui tabela ba projetu boot (kategoria A no kategoria B) ne’ebé hetan lisensa ona no tabela ba sira ne’ebé sei iha prosesu atu hetan lisensa. Bele haree iha tabela tolu tuirmai ne’e parte husi informasaun ne’e. Tuir dokumentu sira, Diresaun Nasionál ba Kontrolu Poluisaun no Impaktu Ambientál (DNCPIA), ne’ebé iha SEA nia okos, fó ona lisensa 38, inklui 6 ba projetu kategoria A nian, no iha aplikasaun 48 ne’ebé sei iha prosesu.
La’o Hamutuk mós hetan lista projetu sira (iha munisípiu 12) ne’ebé tama prosesu investigasaun ho hetan karta notifikasaun hanesan ezemplu iha liman loos.

La’o Hamutuk observa progresu iha SEA nia kapasidade atu implementa Dekretu-Lei Lisensamentu Ambientál, maibé ami rekoñese katak sira mós iha limitasaun rekursu umanu no tékniku. Tuir loloos, sira sei publika lisensa no dokumentu relevante hotu ba públiku, maibé sira nia sítiu-web la funsiona agora hodi fornese informasaun ba públiku. Ho situasaun ida-ne’e, no kooperasaun di’ak ne’ebé hetan husi parte SEA no DNCPIA, La’o Hamutuk sei ajuda fahe dokumentu sira iha ami-nia sítiu-web hodi apoiu halo prosesu lisensamentu ambientál transparente.
Projetu sira kategoria ‘A’ nian ne’ebé hetan ona lisensa ambientál
Projetu sira kategoria ‘A’ balu ne’ebé sei iha prosesu lisensamentu
Projetu sira Kategoria ‘A’ seidauk hahú prosesu lisensamentu
GLOSÁRIU

SEA – Sekretáriadu Estadu ba Ambiente

DNCPIA – Diresaun Nasionál Controlu Poluisaun no Impaktu Ambientál, iha SEA nia kraik

TOR – ‘Terms of Reference iha lia-inglés; Nota ba Referénsia. Dokumentu ida-ne’e deskreve kona-ba estudu ambientál nia konteúdu, tópiku, objetivu no limitasaun, no dokumentu ida-ne’e tenke hetan aprovasaun husi DNCPIA antes hahú estudu hodi dezenvolve DIA no PJA.

DIA – Deklarasaun Impaktu Ambientál (Ingles: EIS – Environmental Impact Statement). Dokumentu ne’e hetan prepara husi proponent projetu, bazeia ba estudu tékniku, ho partisipasaun públiku, hodi deskreve iha Sumáriu projetu ho ninia impaktu posivel – di’ak no aat – no oinsá bele evita ka minimiza impaktu negativu sira.

PJA – Planu Jestaun Ambientál (Ingles: EMP – Environmental Management Plan). Dokumentu ida-ne’e deskreve proponente projetu nia planu kona-ba oinsá hamenus impaktu negativu ba ambiente no komunidade lokál durante prosesu konstrusaun no operasaun.

Ektare = 10,000 m²

Mina = Fatin ba halo estrasaun (ke'e no foti sai) fatuk-murak

Mina rai = Petroleu iha forma likidu
La’o Hamutuk preokupa tebes katak investor no kompañia sira-ne’ebé to’o ohin loron sei kontinua ignora hodi implementa obrigasaun legal sira, dezenvolve sira nia projetu no hetan lukru boot sein sansaun ruma. Dili Development Company, Lda ho nia Jestór Jerál Tony Jape, dezenvolve ona Timor Plaza no mós ho planu atu konstrui edifísiu barak tan besik Timor Plaza no dezenvolve fatin tasi ibun nian balu iha Dili, maibé nunka aplika ba lisensa ambientál. Projetu sira liga ba ZEESM Oe-cusse hanesan Aeroportu Oecusse, Ponte Noefefan (Tono) no konstrusaun irrigasaun (Tono) mós nunka aplika ba lisensa ambientál.

Durante tinan 16 iha Timor-Leste nia independénsia, no dékada hirak antes, Timor-Leste seidauk iha protesaun ambientál ne’ebé efetivu. Maski ami agradese servisu husi SEA nia programa sira kona-ba oinsá atu jere soe lixu ne’ebé di’ak no kuda ai-oan sira, ami haree ameasa ne’ebé perigu liu ba ita nia ambiente agora mak husi konstrusaun boot no projetu industriál sira, ne’ebé uza kímiku venenu ho kuantidade boot tebes ne’ebé ameasa saúde no bele kontamina iha ita-nia sistema ekolójiku mota nian, bee matan, rai agríkola, tasi no ár.

Ami espera katak Governu Timor-Leste sei servisu ho efetivu liután hodi halo protesaun no seguransa ba ita-nia meiu-ambiente liuliu rai no bee, hodi bele seguru, moos, di’ak ba povu nia moris, no haforsa matenek lokál hanesan Tara Bandu atu proteje sira nia área lokál. Ita-nia Governu no projetu-na’in sira presiza hatudu sistema servisu ne’ebé transparénsia (loke dokumentu estudu no planu sira hotu ba públiku), halo konsultasaun ho povu, no halo forte liután implementasaun lei sira ne’ebé vigora iha Timor-Leste.

La’o Hamutuk hatene katak protesaun loloos ba ambiente presiza ita hotu nia atensaun no asaun. Ita hotu presiza tau matan ba prosesu ida-ne’e tanba só hamutuk, ita bele proteje Rai Furak ida-ne’e ohin no futuru oin mai.

04 November 2018

Planeamentu Familiar ida Inkluzivu La’ós iha Surat-Tahan De’it

Planeamentu familiar hanesan direitu umanu báziku ba ema ida-idak atu determina ho livre no responsabilidade bainhira mak sira hakarak oan, no oan hira mak sira hakarak. Importante atu asegura katak planeamentu familiar ne’e inklusivu, katak involve sidadaun hotu la haree ba jéneru, kaben ka lae, idade, orientasaun sexual no relijiaun. Planeamentu familiar hanesan aspetu ida husi saúde reprodutivu, ne’ebé konsiste husi:
  • Prevensaun HIV/SIDA;
  • Prevensaun no tratamentu ba moras hada’et liuhosi relasaun seksuál ka MHRS;
  • Kuidadu antes no depois de partu;
  • Edukasaun seksuál no akonsellamentu, liuliu ba foin-sa’e sira.
Ukun na’in balu haree planeamentu familiar husi perspetiva ekonomia de’it, no balun konklui katak implementasaun planeamentu familiar ida-ne’ebé di’ak bele hatún neineik kreximentu populasaun, aumenta saláriu no PIB (Produtu Internu Brutu ka GDP). Maibé kuandu la haree planeamentu familiar nudár direitu umanu no análiza haree tuir perspetiva ekonomia nian de’it perigozu tebes hanesan bele haree husi istória balu iha Timor-Leste nia pasadu ne’ebé hatudu “planeamentu familiar” uza uluk nudár meiu obrigasaun ida atu kontrola populasaun iha tempu Indonézia. Ohin loron, Timor-Leste nasaun independente ona no Konstituisaun artigu 57 garante saúde universál no gratuita ba sidadaun ida-idak.  Atu halo tuir promesa ida ne’e, Timor-Leste tenke fornese ba feto no mane timoroan hotu rekursu no informasaun hodi bele tetu no deside ho matenek kona-ba sira nia saúde no sira nia isin-lolon.

La’o Hamutuk fiar katak planeamentu familiar presiza iha diskusaun ne’ebé nakloke sem limitasaun. Se diskusaun ne’e limite de’it ba asuntu ekonomia, ita karik bele haluha no esklui katak, planeamentu familiar nia baze fundamentu mak atu fó espasu ba ema ida-idak liuliu feto sira hodi halo desizaun ba sira-nia isin-lolon rasik.

Artigu ida ne’e sei diskute kona-ba importánsia husi planeamentu familiar iha Timor-Leste, nia polítika, bareira implementasaun no rekomendasaun iha futuru.

Planeamentu Familiar Importante ba Timor-Leste ka lae?

Foin daudaun diskusaun kona-ba planeamentu familiar hetan atensaun no diskute iha públiku. Planeamentu familiar nudár rekomendasaun importante ne’ebé fó husi Relatóriu Nasionál Dezenvolvimentu Umanu 2018, ne’ebé antisipa katak bainhira ema barak uza planeamentu familiar, númeru dezempregu sei tun, investimentu ema ida-idak nian no PIB sei sa’e, no feto sira moris aumenta naruk. Dadus relatóriu husi Peskiza Demográfiku no Saúde (Demographic and Health Survey - DHS) inklui kona-ba ema hira mak uza planeamentu familiar, no métodu saida mak sira uza, no ema hira mak hakarak hetan asesu ba planeamentu familiar. No mós, iha Juñu 2018, Prezidente RDTL nia kaben Cidalia Lopes Nobre Mouzinho Guterres diskute kona-ba importánsia husi planeamentu familiar iha eskala internasionál. 

Planeamentu familiar oferese kondisaun ba dezenvolvimentu ida sustentável no inkluzivu. Planeamentu familiar ne’ebé inkluzivu sei promove saúde materna no saúde infantíl, hakbiit feto sira, hasa’e nivel edukasaun, no hamenus HIV/AIDS nia da’et. No mós, sei aumenta benefísiu ekonómiku hanesan aumenta uma-kain ida nia rendimentu. Timor-Leste hanesan nasaun foin-sa’e ida - 35% husi nia populasaun iha idade entre 15-35 - no planeamentu familiar sei fornese futuru ida sira bele hili rasik ne’ebé di’ak liu.

Governu Timor-Leste iha obrigasaun bazeia ba Konstituisaun RDTL atu proteje no kuida sidadaun hotu, la haree ba jéneru, estadu sivíl, relijiaun, ka orientasaun sexual. Maske nune’e iha implementasaun husi Polítika Planeamentu Familiar atuál seidauk inklui ema hotu, dala barak implementasaun sei diskrimina foin-sae, ema hela iha area rural no feto ne’ebé seidauk kazál ka laiha katuas oan. Planeamentu familiar tenke progresivu no inkluzivu iha pratika, la’ós iha surat-tahan de’it.

Planeamentu Familiar Atuál no nia Implementasaun

Timor-Leste adopta Polítika Planeamentu Familiar Nasionál ida iha 2004, no La’o Hamutuk konsidera polítika ida ne’e inkluzivu no progresivu. Polítika ida-ne’e dezenvolve husi rezultadu konsulta no debate públiku, ne’ebé konsiste husi lideransa husi parte saúde sira, setór seluk iha governu, no mós lideransa parte relijiozu sira. Polítika atuál ida-ne’e dehan katak, servisu planeamentu familiár tenke “integra hamutuk ho servisu saúde reprodutivu no halo iha instituisaun saúde nian hotu atu nune’e ema hotu bele hetan asesu ho di’ak no efetivu.” Polítika ne’e mós deklara katak fasilidade saúde hotu tenke prove servisu reprodutivu no akonsellumentu, no “tenke inklui mós informasaun kompleta no loloos kona-ba métodu hotu-hotu, atu nune’e ita bele garante katak ema ida-idak hili tanba nia hatene no tanba nia hakarak no ho konxiénsia rasik.” Informasaun ne’e tenke fahe ba sidadaun sira, la haree ba idade, estadu sivíl ka jéneru.

Ohin loron implementasaun husi polítika ida-ne’e di’ak liu kompara ho tinan 14 liubá, maske nune’e sei iha dezafiu barak. Tuir dadus DHS 2016, feto 16.1% idade 15-49 uza ona métodu ruma husi planeamentu familiar, maske nune’e relatóriu ne’e bazeia ba saida mak feto sira dehan ba ema ne’ebé halo entrevista, no karik ema balu moe atu fahe informasaun privadu ho ema ne’ebé sira la koñese. Gráfiku iha okos hatudu katak, sona (injesaun) no implante hanesan métodu kontrasepsaun ne’ebé uza liu.

Laiha métodu planeamentu familiar ida mak perfeitu ba ema hotu, tanba métodu ida-idak mai ho nia benefísiu no risku; tan ne’e, La’o Hamutuk fiar katak ema hotu-hotu presiza hetan informasaun ne’ebé kompletu kona-ba meiu kontrasepsaun oioin. Agora daudaun métodu dominante liu mak sona no implante; ne’e hatudu katak ema barak mak seidauk hatene ka iha asesu ba métodu no opsaun seluk. Relatóriu DHS hatete katak maizumenus feto ida entre feto na’in neen iha Timor-Leste mak uza kontrasepsaun. No feto hirak ne’e besik 50% mak deside uza métodu sona, no dehan katak sira deside uza molok hatene kle’an kona-ba nia risku (efek samping) sira ne’ebé bele mosu, saida mak sira bele halo bainhira esperiénsia efek samping, no karik iha meiu seluk atu bele uza.

Tuir dadus husi DHS, persentajen ema uza kondom menus tebes, ho 0.6% husi totál ema ne’ebé responde fó sasin katak sira uza kondom Ida ne’e la’ós surpreza boot ida, bainhira ita haree katak diskusaun kona-ba kondom sai nudár stigma no sosiedade la suporta. Planeamentu familiar ida ne’ebé saudavel presiza tebes meiu ida justu hodi fahe responsabilidade entre mane no feto no indivíduu sira.

Alende ne’e, parese servisu saúde ba vasektomi seidauk implementa iha Timor-Leste, tanba menus ekipamentu no ema ne’ebé iha presiza kapasidade espesífiku, maibé ema ho knaar no kapasidade ida-ne’e menus liu. Métodu vasektomi mak métodu planeamentu familiar nian ne’ebé seguru, simples no efetivu. Planeamentu Familiar asuntu ida ba mane ho feto, no ita labele tau todan de’it ba feto no fó fatin liu ba ema hirak halo polítika atu haluha katak importante tebes atu inklui feto nia direitu atu foti desizaun.

Maske Timor-Leste nia Polítika Planeamentu Familiar temi liafuan inkluzivu, maibé foin-sa’e, hirak ne’ebé seidauk kaben, no feto rurál sira, dala barak seidauk bele hetan asesu ba servisu saúde reprodutivu sira. Bazeia ba DHS, liu 33% husi feto hirak ne’ebé seidauk kaben fó sasin katak sira hakarak uza planeamentu familiar maibé só 50% husi feto hirak ne’e mak bele hetan asesu.

DHS nia relatóriu importante ne’ebé haktuir relatóriu global DHS nian, fó sai de’it númeru feto kaben na’in no sira nia nesesidade ba planeamentu familiár, maske nune’e importante tebes ba relatóriu DHS ne’ebé iha influensia boot atu tau importánsia no aprezenta númeru feto hirak ne’ebé seidauk kaben nia nesesidade ba planeamentu familiar atu halakon stigma kontra feto hirak ne’e. Alende ne’e Sensus mós presiza aumenta planeamentu familiar nudár komponente iha kestionáriu sira, atu nune’e ita bele hetan estatístika kompleta kona-ba planeamentu familiar iha Timor-Leste laran tomak.

Obstákulu ba Planeamentu Familiar

Timoroan ida-idak iha direitu atu deside meiu planeamentu familiar saida de’it mak perfeitu ba nia. Tan ne’e, ema hotu presiza simu informasaun adekuadu kona-ba benefísiu no risku husi métodu planeamentu familiar hotu. Maske nune’e, sosiedade balun iha Timor-Leste nafatin fó podér ba mane sira iha relasaun, no limita feto sira nia abilidade atu foti desizaun ba sira nia an. Iha tinan hirak liubá, iha peskiza rua ne’ebé hatudu realidade problema ida-ne’e: ida kona-ba atitude mane sira nian liga ho asuntu jéneru no ida seluk kona-ba violénsia kontra feto. Peskiza sira-ne’e konfirma katak sosiedade (mane no feto), kontinua iha fiar forte katak mane mak halo desizaun di'ak liu iha família nia laran; fiar ida-ne’e kontinua husi mane no feto to’o agora. Ita presiza enkoraja no promove kultura ida ne’ebé hakbiit feto no luta kontra kultura hirak ne’ebé hatún feto. Ne’e mak pasu importante ida hodi fornese planeamentu familiar iha nasaun tomak.

Kampaña Igreja Katólika nian no instituisaun seluk dala barak foka de’it ba métodu planeamentu ne’ebé tradisionál. Maske nune’e iha realidade, kampaña hirak ne’e seidauk konvense feto barak atu uza métodu ne’ebé refere (haree iha gráfiku). Ida ne’e la’ós surpreza ida tanba atu uza métodu tradisionál efetivamente presiza feto sira bele lee no halo kalkulasaun aritmétika, atu komprende kle’an kona-ba sira nia isin no sistema reprodutivu; sira nia parseiru seksuál mós presiza nakloke atu diskute no komunika ho suporta, ida ne’ebé dala barak la eziste iha família barak nia realidade.

Maske nune’e, maioria joven no foin-sa’e sira hetan informasaun limitadu tebes kona-ba saúde reprodutivu, nune’e labele kompriende loloos saúde seksuál ka foti desizaun ba sira nia isin-lolon bazeia ba informasaun kompletu. Porezemplu, tuir dadus husi DHS, 23% husi joven feto no 20% husi joven mane dehan katak sira simu informasaun  kona-ba saúde reprodutivu. Aléinde ne’e. 47% husi feto no 66% husi mane idade 15-49 mak rona tiha ona kona-ba HIV/SIDA. Mezmu nune’e profesór sira no inan aman sira evita atu diskute kona-ba tópiku ne’e tanba sente moe. Maske edukasaun seksuál iha ona eskola nia kurríkulu, dala barak mak mestre sira hakat liu tiha. Tan ne’e joven barak la hatene oinsá atu prevene isin rua ka hatene oinsá trata moras hada’et liu husi relasaun seksuál.

Rekomendasaun Espesífiku ba VIII Governu

Tinan oinmai, Governu Timor-Leste sei hato’o ninia relatóriu periódika dahaat ba Komité kona-ba Halakon Diskriminasaun hasoru Feto (CEDAW). Relatóriu ikus ba CEDAW, husi tinan 2015, fó rekomendasaun tuirmai ba Governu Timor-Leste:
“Haforsa maneira hodi asegura feto joven hotu, inklui feto adolexente no rurál, hetan asesu ba servisu saúde seksuál, reprodutivu no emerjénsia nian, no hadi’ak kualidade servisu planeamentu familiar…la haree ba status kaben.”
Bazeia ba ida-ne’e, ami hato’o rekomendasaun espesífiku tuirmai ba Governu:
  • Kontinua no haforsa implementasaun Polítika Nasionál Planeamentu Familiar 2004 nian, hodi buat di’ak iha surat-tahan bele atualiza iha pratika. Planeamentu Familiar la mensiona iha programa Governu VIII nian. Ami husu Governu atu prioritiza Planeamentu Familiar, no inklui iha programa no planu sira iha futuru, nudár kondisaun nesesária atu atinje golu sira iha Planu Estratéjiku Nasionál ba Saúde 2011-2030, ne’ebé koko atu “aumentu asesu no servisu sira ne’ebé ho kualidade aas ba ante-natais, partu, asisténsia pos-natal no Planeamentu Familiar, inklui fatin ne'ebé difisil atu asesu”.

  • Alokasaun Orsamentu Estadu 2018 ba “Saúde Materna no Servisu Saúde Materna inklui Planeamentu Familiar” mak $43,000, ne’ebé ko’a tiha ba sorin balun kompara ho orsamentu 2017. La’o Hamutuk enkoraja Governu atu aumenta alokasaun ne’e iha orsamentu 2019, espesifikamente ba asuntu Planeamentu Familiar no nia informasaun sira. Inklui mós programa detallu no espesífiku kona-ba Planeamentu Familiar iha Ministériu Saúde nia Planu Asaun. Governu nia Programa, no Orsamentu, Governu mós tenke asegura katak lideransa ne’ebé adekuadu, planu no orsamentu hodi nune’e asegura implementasaun husi polítika importante ida ne’e.

  • Ministériu Saúde presiza investe ba ho fornesimentu informasaun ba ofisiál saúde sira, kapasitasaun no rekursu sira ne’ebé presiza atu asegura informasaun no opsaun kompletu ba Timoroan hotu, mane ka feto, kaben-na’in ka seidauk kaben, nurak ka idade, hela iha sidade ka foho. Presiza atensaun espesiál ida mós ba promove partisipasaun mane iha responsabilidade ba uza kontrasepsaun (inklui kondom no vasektomi), no mós kontinua eduka mane sira atu iha obrigasaun relasiona ho planeamentu familiar.  Ministériu presiza asegura implementasaun husi polítika ida ne’ebé labele diskrimina ema ida.

  • Ministériu Saúde, Ministériu Edukasaun, Juventude no Desportu, no Komisaun Nasionál ba Kombate HIV/AIDS presiza asegura mensajen no diskusaun públiku kona-ba planeamentu familiar sempre inkluzivu, pozitivu, no suporta direitu ema hotu nian. Objetivu mak atu hakbiit ema hotu atu nune’e bele iha responsabilidade ba desizaun ba sira nia saúde individuál no familiar, bazeia ba informasaun ne’ebé loloos no klaru. 

  • Ministériu Edukasaun no Ministériu Saúde presiza kontinua kolaborasaun importante ne’ebé sira hahú ona atu asegura edukasaun kona-ba saúde reprodutivu bele hanorin iha eskola sira, mestre sira iha mandatu, konfiansa ba an, bele ezekuta atu diskute tópiku hirak ne’e ho estudante sira.

Konkluzaun

Maioria Timoroan lubuk ida, feto no mane seidauk hetan asesu ba informasaun adekuadu no opsaun sira kona-ba saúde reprodutivu, no falta ne’e viola sira nia direitu tuir Konstituisaun no tuir polítika Governu nian. Governu anteriór sira seidauk implementa ho rigorozu Polítika Nasionál Planeamentu Familiar 2004 ho efetivu, no La’o Hamutuk husu Governu Konstitusionál Daualuk atu halo di’ak liután.

Iha 25 Jullu, Primeiru Ministru Timor-Leste nian, Taur Matan Ruak, iha nia diskursu bainhira simu pose, dehan katak oven Timor-Leste mak rikusoin prinsipál rai ne’e nian, nune’e ita presiza koko rezolve nesesidade saúde, edukasaun no asesu ba servisu sira. Fornese informasaun no oportunidade hanesan ba planeamentu familiar ba Timoroan hotu, la haree ba jéneru, idade, relijiaun, no munisípiu sira nudár kondisaun ba pasu esensiál dezenvolvimentu nian ne’ebé sustentável no ekitavel iha Timor-Leste.

Inclusive Family Planning Takes More Than Words On Paper

Family planning is the basic human right of all individuals to freely and responsibly determine when they want to have children, and how many they want to have. It is important to ensure that family planning is inclusive, meaning it includes all citizens regardless of gender, marital status, age, sexual orientation or religion. Family planning is one aspect of reproductive health, which is also comprised of:
  • HIV/AIDS prevention;
  • Prevention and treatment of sexually transmitted diseases and infections;
  • Pre and post-natal care;
  • Sexual education and counselling especially for youths.
Some policy-makers view family planning from the perspective of economics, and conclude that better family planning slows population growth and increases wage and GDP. However, our own history of imposed ‘family planning’ as a measure of control under the Indonesian occupation, illuminates the dangers of framing family planning policies solely around economics and population control without viewing it as a human right. Today, Timor-Leste is an independent nation whose Constitution, article 57, guarantees universal, free health services to every citizen. To keep this promise, Timor-Leste must give our women and men the tools and resources we need to decide wisely about our own bodies and health.

La’o Hamutuk believes that family planning should be discussed openly and freely. If we frame the discussion solely around economics, we may forget that family planning is fundamentally about each woman’s right to make choices about her own body.

This article will discuss the importance of family planning in Timor-Leste, current policy, barriers to implementation and recommendations for the future.

Is Family Planning Important in Timor-Leste?

Family planning has recently been discussed more openly in Timor-Leste. It was a main policy recommendation of the United Nations Development Program’s 2018 National Human Development Report, which anticipates that wider use of family planning will decrease unemployment, and increase investment per capita, GDP and women’s life expectancy. The 2016 Demographic and Health Survey (DHS) reports on how many people use family planning, what methods are being used, and how many people want access to family planning. Additionally, in June 2018, First Lady Cidalia Lopes Nobre Mouzinho Guterres discussed the importance of family planning on an international scale.

Family planning is a prerequisite for sustainable and inclusive development. Inclusive family planning will greatly improve maternal and infant health, empower women, increase levels of education, protect the environment, and reduce the spread of HIV/AIDS. There will, of course, also be economic benefits such as increases to household income. Timor-Leste is a young country – 35% of our people are between 15-35 – and family planning will make their futures brighter based on their own choices.

The government of Timor-Leste is obliged by the Constitution to protect and care for all its citizens, regardless of gender, marital status, or religion. However, the implementation of the current Family Planning Policy has not included everyone, often leaves out young, rural and/or unmarried women. Family planning must be progressive and inclusive in practice, not just on paper.

Current Family Planning Policy and Implementation in Timor-Leste

In 2004, Timor-Leste adopted a National Family Planning Policy, which La’o Hamutuk considers both inclusive and progressive. This policy was developed after broad consultation and public debate, and has been embraced by many leaders in health, other sectors of government, and civil society, including religious leaders. The policy, which is still in place, states that reproductive health services should be “universally accessible, acceptable, convenient and available in an effective way at every health facility.” The policy states that all health facilities must provide reproductive services and counselling, including “an appropriate range of [contraceptive] methods” and “complete and accurate information about all methods” to all citizens, regardless of age, marital status, or gender.

Although the policy is better implemented today than it was 14 years ago, significant gaps and challenges remain. According to the 2016 DHS only 16.1% of women between 15-49 use some form of family planning, however this report is based on what women told the interviewers, and some may be embarrassed to share such information with a stranger. The graph below shows that injectables and implants are used much more than other methods.

No single method of family planning works best for everyone, since each method has its own benefits and drawbacks; therefore, La’o Hamutuk believes that everyone should have information and a full range of choices. The present dominance of injectables and implants suggests that many people are unaware of or unable to access other methods and options. The DHS reports that only approximately half of women using injectables (by far the most common family planning method), say that they decided to use them after being informed about potential side effects, what to do if they experience side effects, and what other methods are available.

According to the DHS, condom use remains low, with only 0.6% of respondents reporting using this method. This is not surprising when the public dialogue on condom use is stigmatizing and non-supportive. Family planning requires shared responsibility and decision making from both  men and women.

Further, it appears that vasectomy services are not available in Timor-Leste, due to a lack of equipment and skilled providers. This is a safe, simple and effective method of family planning.  Ignoring actions that men can take and their responsibilities in planning their families, places an unfair burden on women and allows men (including male politicians) to disregard family planning as a ‘women’s issue’.

Although the policy claims to be inclusive, young, unmarried and/or rural women often cannot access reproductive health services. According to the DHS, more than one-third of sexually active unmarried women say they want to use family planning, but only about half of these women have access to it. The 2016 DHS key findings, in line with global DHS reports, only present statistics on married women and their need for family planning, however it is important for influential reports, such as the DHS, to value and present unmarried women’s demand equally to help combat the stigma against them. Other important reports and surveys, such as the Census, should also add family planning components to their surveys so we can obtain a more complete picture of family planning in Timor-Leste.

Barriers to family planning in Timor-Leste

Every Timorese person has the right to decide which of the many family planning methods is best for them. Therefore, they must be informed about different family planning methods, including their benefits and risks. However cultural beliefs, which give more power to men in relationships, can restrict women’s ability to make these decisions themselves. Two recent studies, one on male attitudes to gender and the other on understanding violence against women, confirm that there is a continuing strong belief among both men and women that men should be the main decision makers in relationships. We must embrace and promote the cultural beliefs that empower women, and challenge those that disempower women, as an important step in providing family planning across the country.

Prominent educational campaigns led by the Catholic Church and other institutions have focused exclusively on traditional family planning methods. However, these campaigns have not persuaded many women to use these methods (see graph). This is not surprising considering that their effective use requires women and their partners to be able to read and do arithmetic, and to deeply understand their body and reproductive system; their sexual partners must also be open, communicative and supportive, which unfortunately is not the reality in most families.

Unfortunately, most young people have little information about reproductive health issues, and therefore cannot fully understand sexual health or make informed decisions about their bodies. For example, according to the DHS, only 23% of young women and 20% of young men say they have received information on reproductive health. Additionally, only 47% of women and 66% of men between 15-49 have heard of HIV or AIDS. Unfortunately, many teachers and parents avoid discussing topics which may feel embarrassing to them. Even though sex education is in the school curriculum, it is often skipped over. Therefore, many young people do not know how to avoid becoming pregnant or how to avoid, recognize, or treat sexually transmitted diseases.

Specific recommendations to the VIII Government

Next year, our Government will submit its fourth periodic report to the Committee on the Elimination of Discrimination Against Women (CEDAW). The most recent CEDAW report, published in 2015, made the following recommendation to the Timor-Leste’s Government:
“Strengthen measures to ensure that all young women, adolescent girls and rural women have access to sexual and reproductive health services and emergency health care, and improve the quality of family planning services… irrespective of marital status.”

Drawing from and expanding on this recommendation, we urge the government to:
  • Continue and strengthen implementation of the 2004 National Family Planning Policy, so that what is good on paper can also be good in practice. Family planning is not mentioned in the VIII Government’s program, but it is a necessary condition for achieving the goals of the Health Sector Strategic Development Plan 2011-2030, which aims to “increase access to and demand for high-quality ante-natal care, childbirth, postnatal care and family planning, including difficult access.”

  • The 2018 State Budget allocated $43,000 to the Ministry of Health’s “maternal and reproductive health services including family planning”, which was reduced by nearly half from the 2017 Budget. La’o Hamutuk encourages the government to increase this allocation in the 2019 budget.
        Include specific and detailed programs for family planning in the Ministry of Health Action Plans, the Government Program, and the 2019 State Budget, the Government must ensure that there is adequate leadership, planning and budget to ensure proper implementation of this important policy.

  • The Ministry of Health should invest more in providing health officials with the information, skills and resources they need to provide genuine and informed options to all Timorese, both men and women, married and unmarried, young and old, urban and rural. There should be special attention to promoting men’s shared responsibility for contraception (including condoms and vasectomies), and to sensitizing and educating men about their obligations related to family planning. The Ministry must ensure that implementation of policy does not discriminate against anyone.

  • The Ministry of Health, Ministry of Education and the National Commission to Combat HIV/AIDS should ensure their public messages and discussions about family planning are inclusive, positive, supportive and rights-based. The goal is to empower all people to make appropriate and responsible decisions about their individual and family health, based on accurate and clear information.

  • The Ministry of Education and Ministry of Health should continue the important collaboration they have started to ensure that reproductive health and sex education are taught in schools and teachers are mandated, capable, and confident to discuss this topic with students.

Conclusion

Timorese women and men do not yet have adequate information or choices about reproductive health, which violates their rights as outlined by the Constitution and by government policy. Past governments have not implemented the 2004 National Family Planning Policy effectively, and La’o Hamutuk calls on the Eighth Constitutional Government to do better. 

On 25 July, Timor-Leste’s Prime Minister, Taur Matan Ruak, in his speech to the newly sworn-in members of Parliament, emphasized that the youth of Timor-Leste are our greatest asset, and we must address their needs with regards to health, education, and employment. Providing family planning information and opportunities to every Timorese person – regardless of age, gender, religion, or region – is an essential condition for, sustainable, equitable development in Timor-Leste.

27 October 2018

Konvite: Diskusaun Orsamentu Estadu

La’o Hamutuk ho FONGTIL sei realiza enkontru públiku ida ho títulu “Orsamentu Estadu ba ne’ebé de’it no oinsá ho previzaun ba oin?” no konvida ema hotu, inklui reprezentante husi Governu, sosiedade sivíl, akadémiku no ativista sira. Ho objetivu atu fahe informasaun kona-ba Planu Orsamentu ba kada Sektorál husi OJE 2019 nian no mós hetan perspetiva di’ak husi partisipante sira.

Ho oportunidade ida ne’e ami hakarak konvida ita boot sira atu mai partisipa iha Enkontru Públiku ne’ebé mak sei realiza iha:

Data : Tersa, 30 Outubru 2018
Fatin : Salaun Enkontru HAK-Farol, Dili
Oras : 8.30 to’o 12.30
----------------------
Invitation to Discussion on 2019 State Budget 
La'o Hamutuk and the NGO Forum will hold a public meeting on "Where is the State Budget going, and how does it envision the future?". We have invited everyone, including representatives from Government, civil society, academics and activists. The objective is to share information about the Budget Plans for each Sector in the 2019 State Budget, and also to hear perspectives from the participants.

We take this opportunity to invite you to participate in this Public Meeting, which will be at:
Date: Tuesday, 30 October 2018
Place: Meeting Room at HAK Association, Farol, Dili
Time: 8:30 am to 12:30 pm

16 October 2018

Promove Ai-han Lokál Nutritivu hodi Hakotu Hamlaha no Mal-nutrisaun

HASATIL (HAMETIN AGRIKULTURA SUSTENTÁVEL TIMOR LOROSA’E)
Rua. St.Antonio Motael – Farol, Dili Tel. (+670) 77287429 E-mail: hasatil@sapo.tl
KOMUNIKADU BA IMPRENSA KONA-BA LORON MUNDIAL AI-HAN
Promove Ai-han Lokál Nutritivu hodi Hakotu Hamlaha no Mal-nutrisaun Iha Timor-Leste

Iha eventu komemorasaun loron mundiál ai-han 2018, HASATIL nu’udar rede nasionál ne'ebé servisu ba hametin no promove agrikultura sustentável iha Timor-Leste hamutuk ho ninia membru hotu iha munisipiu 13, hakarak louva agrikultór sira hotu iha Timor laran tomak ne'ebé kontinua servisu maka’as hodi halo produsaun ai-han ba ema hotu, maski hasoru dezafiu no problema oi-oin.

HASATIL mós hakarak aproveita loron importante ida ne’e atu bolu Governu, Parlamentu Nasionál, Prezidente Repúblika no ba Públiku tomak nia atensaun ba situasaun real iha Timor-Leste liga ba produsaun ai-han iha rai laran, no dependénsia ba importasaun ai-han husi rai li’ur.

Timor-Leste nia situasaun produsaun ai-han sei nafatin laiha progresu boot hafoin liu tiha tinan 15, maski governu Timor-Leste no ajénsia dezenvolvimentu sira gasta ona osan barak ba setór ne’e. Dadus estatístika agrikultura nian husi governu hatudu katak produsaun agrikultura kontinua tun. Ita nia merkadu sira nafatin domina husi ai-han importadu, no mal-nutrisaun kontinua sai problema boot (haree dadus).

Produsaun foos kontinua tun maski durante ne’e governu tau atensaun boot liu ba parte ne’e, liu husi investimentu maka’as ba iha irrigasaun eskala boot hodi fornese bee ba natar sira no mós distribui tratór rihun haat resin ba agrikultór sira. Governu rasik rekoñese ona katak ho kondisaun ne’e Timor-Leste sei susar atu atinje nia tarjetu autosufisiensia ai-han iha tinan 2030. 

Polítika orsamental governu Timor-Leste nian la buka atu responde ba situasaun difisil iha setór agrikultura. Investimentu estadu nian ba setór Agrikultura tun ba beibeik. Ida ne’e refleta iha Alokasaun Orsamentu Jerál Estadu ba setór Agrikultura no Peska dezde 2015 to 2018 ne’e. Iha tinan 2015 Alokasaun orsamentu ba setór agrikultura mak tokon $34.457, iha 2016 tun ba tokon $24.826, iha 2017 tun tan ba tokon $21.962, no iha 2018 ne’e tun ba $14.679. HASATIL preokupa tebe-tebes ho tendénsia negativu ida ne’e no la refleta prioridade ne’ebé haktuir ona iha Planu Estratéjiku Dezenvolvimentu Nasionál 2011-2030

Bazeia ba tema loron mundiál ai-han ba tinan ida ne’e kona ba Promove Ai-han Lokál Nutritivu hodi Hakotu Hamlaha no Malnutrisaun iha 2030, HASATIL hanesan mós membru KONSSANTIL husu ba Governu tenke fó atensaun maka’as no investe ba promove produsaun ai-han iha rai laran no promove produtu ai-han lokál, hortikultura, produtu peska no pekuaria inklui ai-han indigenous no ai-han fuik sira ne’ebé eziste nanis ona iha Timor-Leste,  tanba iha valor nutrisaun di’ak liu ba ema, saúde, ambiente no ekonomia rai laran.

Hasatil mós preokupa tebes ho programa ajuda ai-han (McGovern Dole Food Aid for Education Program) Estadu Unidus Amérika nian, ne’ebé sei hafó sá sira nia influensia iha TL no iha tempu hanesan fó impaktu ba merkadorias produtu lokál iha rai laran. Kritéria prinsipál husi programa ne’e mak hanesan, ai-han ne'ebé atu ajuda ba nasaun tarjetu sira maioria tenke hola iha Estadu Unidus, tenke transporta iha ró ho bandeira Estadu Unidus nian. Maski programa ne'e ho objetivu katak ajuda ai-han ba komunidade, liu-liu ba eskola sira, kritéria ne'ebé programa ne'e aplika, sei fó benefísiu boot liu ba programa ne'e nian (ba Estadu Unidus Amerika) no bele fó impaktu negativu boot liu ba nasaun ne'ebé simu ajuda ai-han ne’e.

Informasaun preliminaria husi departamentu agrikultura Estadu Unidus nian hatudu katak Care Internasionál mak sei implementa programa Food Aid ne’e iha Timor-Leste ho total valor osan tokon $26.  Ami hakfodak katak Care sei sai implementador ba programa Food Aid Estadus Unidus Amerika nian. Ami hanoin katak pratika ne’e klaramente la tuir Care nia Food Aid policy rasik, ne’ebé rekoñese katak programa sira hanesan ne’e fó impaktu la di’ak ba nasaun ne’ebé simu.  Ami husu ba organizasaun internasionál sira, atu labele sai implementador ba programa ida ne’e, bainhira laiha estudu ne’ebé prova katak sei laiha impaktu ba agrikultura no seguransa ai-han iha rai laran.

Ikus liu, HASATIL hanoin katak, programa agrikultura sira mós tenke fó benefísiu hanesan ba feto no mane agrikultór, no maximiza agrikultór feto sira nia partisipasaun no kontribuisaun ba produsaun agríkola. Investimentu barak too oras ne’e foo benefísiu boot liu ba mane sira, en termu de hakmaan agrikultór sira nia servisu.

Tuir mai HASATIL nia rekomendasaun espesífiku ba VIII Governu Konstitusional atu konsidera:
  1. Prioritiza no hasa’e orsamentu estadu ba setór agrikultura no peska, liu-liu iha programa importante sira hanesan:
    •  Kapasitasaun, formasaun ba agrikultór no peskadór eskalaun ki’ik sira atu hasa’e
    produsaun no jestaun tuir dalan ne'ebé sustentável
    •  Fó atensaun didi’ak ba diversifika produsaun ai-han iha rai laran atu la depende maka'as ba konsume produtu ida ka rua de’it hanesan (foos no batar)  
    •  Fasilita ekipamentu prosesamentu no kapasitasaun ba grupu prosesamentu produtu agríkola sira ne'ebé mak eziste ona iha rai laran atu hadi’ak liu tan sira nia kualidade produtu, jestaun no asesu ba merkadu
    •  Promove agrikultura familiar, diversifikasaun ai-han no diversifikasaun ekonomia nudár fonte alternativu hodi substitui fundu mina rai
  2. Fó prioridade orsamentu ba promove hortikultura, hakiak animal no hakiak ikan iha nivel uma kain hodi prodús produtu ne'ebé saudável no nutrisaun di’ak ba família, atu hamenus mal-nutrisaun, no ajuda ekonomia família nian.
  3. Husu ba Organizasaun internasionál sira atu labele sai implemetador ba programa Food Aid ne’ebé sei estraga agrikultura lokál no hafraku Timor-Leste nia rezilensia seguransa ai-han ba tempu naruk.
  4. Husu ba Ministériu Edukasaun, Agrikultura no Saúde atu la bele simu implementasaun programa Food Aid iha Timor-Leste.
  5. Konstrui irrigasaun eskala-kiik iha nivel aldeia no suku hodi fornese bee ba atividade produsaun iha nivel uma kain. Presiza mós estabelese sistema kolleita bee no Konservasaun bee iha area sira ne’ebé bee menus.
  6. Promove diversifikasaun ai-han no konsiensilizasaun hodi muda kultura Han, nudár dalan ida hodi hamenus importasaun iha Timor-Leste. 
  7. Tau matan no halo avaliasaun kritiku ba projetu ajénsia internasionál sira iha Timor-Leste atu labele hamosu problema tempu naruk ba Timor-Leste bainhira sira nia projetu remata.
  8. Hametin igualdade entre mane no feto iha asesu ba fasilidade, rekursu no oportunidade ba kapasitasaun. No mós maximiza partisipasaun no kontribuisaun feto sira nian iha etapa produsaun tomak.
  9. Promove agro-ekologia, uza rekursu lokál atu hasa’e produsaun liu husi dalan ne'ebé la estraga meiu-ambiente.

Too ba ne’e de’it komunikadu imprensa. HASATIL no membru sira tomak prontu nafatin atu kontribui ba dezenvolvimentu ne'ebé promove agro-ekolojia no hametin soberania ai-han iha Timor-Leste.

Viva Soberania Ai-han!  Viva HASATIL! Viva Agrikultór no POVU Timor-Leste!

Dili, 15 de Outubru 2018

Gil Boavida
Koordenador Rede HASATIL

Grupu Trabalho Advokasia
  • La’o Hamutuk
  • Asosiasaun HAK
  • ETADEP
  • Permatil
  • Fundasaun Haburas
  • Kdadalak Sulimutu Institutu
  • Fokupers
  • Raibea

11 October 2018

Timor-Leste nia tasi tenke mantein nudár area protejidu ba ikan-baleia no golfiñu

Afirmasaun Konjunta Husi Sosiedade Sivíl 
Dili, 10-10-2018

Husi Timor-Leste from Below video, Episode 6.
Haree asaun sira foin daudaun husi Governu Japaun atu promove kasa ka kaer ikan-baleia sira, ami preokupa katak asuntu ne’e bele tama iha diskusaun durante vizita Ministru Estranjeiru Japaun nian iha Timor-Leste hahú loron 11 Outubru. Ami hakarak afirma ami nia pozisaun no suporta atu Timor-Leste tenke mantein sai area protejidu ba animál protejidu sira hanesan ikan-baleia no golfiñu (ikan-toniñu ka lumba-lumba).

Nudár organizasaun ne’ebé tau matan mós ba ambiente, ami afirma ho kompromisu atu proteje ita-nia ambiente natural ne’ebé úniku no sai patrimóniu importante rai doben Timor-Leste nian, ami mós apoiu Governu nia suporta ne’ebé forte ba dezenvolvimentu eko-turizmu marina (tasi nian), protesaun ba riku soin tomak ne’ebé moris iha tasi laran, hanesan hakerek iha Planu Estratéjiku Dezenvolvimentu Nasionál 2011-2030 no Polítika Turizmu ne’ebé foin estabelese.  Ami rekoñese no suporta esforsu husi Ministériu Turizmu (ho nia parseiru sira) atu promove no dezenvolve setór eko-turizmu tasi (Marina), liuhosi ninia programa tau matan ba ikan-baleia no golfiñu. Programa ne’e sei kolabora no servisu hamutuk ho ajénsia turizmu lokál sira, organizasaun eko-voluntáriu no komunidade peskadór lokál sira. Iha sorumutu ikus Konsellu Ministru nian, aprezentasaun “Planu Dezenvolvimentu ba Ekonomia Sustentável bazeia ba Eko-Turizmu Marina iha Timor-Leste” deskreve proposta “hodi transforma Timor-Leste atu sai referénsia iha turizmu luku tasi (diving) no haree movimentu furak ikan-baleia no golfiñu nian iha tasi (whale watching) iha rejiaun Sudeste Aziátiku” no inklui “protesaun no Konservasaun ba rikusoin tomak ne’ebé moris iha tasi laran.” Maski ami seidauk hatene ho kompletu proposta ne’e no hakarak atu aprende tan, hodi apoiu ami-nia opiniaun katak eko-turizmu tasi iha poténsia boot, se hetan tratamentu di’ak no halo protesaun loloos.

Golfinu "Spinner" iha Baucau. Foto husi Kevin Austin.
Ami konkorda tebes katak presiza iha protesaun ba ita-nia tasi, no eko-turizmu tenke sai parte husi planu dezenvolvimentu diversifikadu no ekonomia ne’ebé sustentável. Persentajen boot husi ita-nia populasaun depende ona sira nia moris ba riku soin iha tasi laran no tasi ibun hodi hetan ai-han, nutrisaun no rendimentu ba sira nia família uma kain nian. Se rekursu sira-ne’e dezenvolve ho di’ak, hahú husi buat ne’ebé Governu estabelese tiha ona, dezenvolve indústria turizmu ho ikan-baleia no golfiñu iha poténsia atu lori benefísiu ekonómiku ne’ebé signifikante ba ita-nia komunidade lokál sira. Agora ita iha nesesidade urjensia atu diversifika ita-nia ekonomia, haluan no haforsa setór sira ne’ebé la’ós mina hanesan agrikultura, peska, indústria produsaun ho eskalaun ki’ik sira no turizmu. No sira tenke hetan dezenvolve ho kompromisu boot hodi tuir polítika ida ne’ebé sustentável nune’e bele garante no proteje ita-nia ambiente ne’ebé sei frajil hela nudár patrimóniu naturál. Ita nia tasi sai ona area protejidu ba ikan-baleia no golfiñu sira (haree Diploma Ministeriál No.18/MAP/MCIA/II/2017) no ida ne’e oferese buat úniku no espesiál ne’ebé bele atrai turista barak.

Artigu balu foin daudaun fo sai husi ema akadémiku no media internasionál sira, hatudu Timor-Leste nia poténsia eko-turizmu di’ak tebes hanesan lalehan. Liu-liu fatin atu ba haree movimentu ikan-baleia boot no golfiñu sira. Maski ita nia tasi la luan, maibé tasi kle’an no iha nia laran, bele estimatiza katak um tersus ka 1/3 (33%) husi tipu ikan-baleia no golfiñu sira tomak (ne’ebé hamutuk hetan naran sientífiku ‘cetaceano’) moris iha Timor-Leste. Kompañia media internasionál konsege hatudu no promove ona poténsia eko-turizmu Timor-Leste nian liuhosi fotografia no video ne’ebé promove Timor-Leste nu’udar fatin di’ak atu haree ikan-baleia azúl sira iha migrasaun ba parte súl, nani hamutuk ho ikan-baleia ‘sperm’ sira no haree baleia no golfiñu barak tebes. Atividade haree movimentu ikan-baleia no golfiñu sira konsidera nudár setór turizmu globál ne’ebé aumenta; iha mós interese sériu husi ema biolojika-marina hodi estuda no hasai fotografia ba animál furak tasi nian sira ne’e. Haree hamutuk ho ita nia paizajen ne’ebé maioria agrikultura orgánika, to’os permakultura nian, paizajen tasi ninin ne’ebé furak, no ahu-ruin ho kór oioin, ita-nia ikan baleia no golfiñu sira sai parte husi ita-nia rikusoin nasionál. Ne’e mós bele hatudu buat úniku husi Timor-Leste ba mundu no posibilidade boot atu aumenta turizmu nasionál no internasionál. Bele aprende husi rai-Sri Lanka ne’ebé harii indústria turizmu ho baze ba atividade sira atu haree ikan-baleia no golfiñu, maibé sira-nia númeru ikan-baleia no golfiñu sira menus tebes kompara ho Timor-Leste nian.

Maski nune’e, eko-turizmu marina só bele buras se ita bele jere ita-nia rekursu sira ho di’ak no proteje ita-nia rikusoin hanesan ikan-baleia no golfiñu husi ameasa sira hanesan kasa komersiál (commercial hunting), impaktu husi ró boot, no fo’er plástiku  (lixu plástiku). Ameasa sira ne’e bazeia ba grupu Organizasaun ambientál internasionál Greenpeace hato’o katak ameasa sira kontinua aumenta. Nune’e Komisaun Baleia Internasionál (International Whaling Commission – IWC) diskute maka’as kona-ba ameasa hirak ne’e, iha Florianopolis, Brazíl fulan kotuk. IWC harii iha tinan 1946 no agora iha membru sira hamutuk nasaun 89 ho responsabilidade ba konservasaun no jestaun liga ba indústria kasa ikan-baleia hodi hasai baleia nia mina, na’an no ruin sira. Iha tinan 1986, IWC halo regra hodi bandu pratika kasa no oho ikan-baleia ho interese komérsiu, no regra ba bandu ne’e sei eziste to’o ohin loron.

Iha sorumutu IWC foin daudaun, Japaun introdús proposta kontroversiál, ho suporta husi nasaun 25, ne’ebé buka atu hasai regra bandu ne’e hodi promove “ezisténsia hamutuk” entre konservasaun no kasa/oho ikan-baleia ba komérsiu. Hafoin debate manas no maka’as, ikus mai maioria membru IWC rejeita proposta Japaun nian, no afirma regra bandu internasionál katak labele kasa/oho ikan-baleia ba interese komérsiu. Sira barak defende pozisaun ne’e tanba sira haree la iha nesesidade iha tempu agora hodi estraga populasaun ikan-baleia sira.

Iha sorumutu hanesan, membru CPLP Brazíl propoin atu iha area protejidu ba ikan-baleia sira iha Tasi Atlántika Súl, maibé proposta ne’e la pasa tanba la to’o dois tersus (2/3) ka 66% votu ne’ebé presiza. Bainhira Timor-Leste mantein ita nia tasi nudár area protejidu ba ikan-baleia no golfiñu, ita la’ós de’it proteje ita-nia rikusoin nasionál, maibé ita mós oferese ba mundu fatin úniku no espesiál atu haree animál sira-ne’e.

Konstituisaun RDTL Artigu 61.3 hato’o: “O Estado deve promover acções de defeza do meio ambiente e salvaguardar o desenvolvimento sustentável da economia.” Timor-Leste ratifika Konvensaun internasionál ONU nian kona-ba Lei Tasi (UNCLOS 1982) ne’ebé haktuir responsabilidade estadu nian ba jestaun rekursu marina, no ita mós membru husi Organizasaun Maritima Internasionál. Iha tinan 2007, Timor-Leste ratifika Konvensaun Internasionál ba Bio-Diversidade (CBD), hafoin dezenvolve Planu Asaun Estratéjiku Timor-Leste nian ba Biodiversidade Nasionál (2011-2020) ne’ebé inklui protesaun ba abitasaun rikusoin marina.

 Timor-Leste nia diversidade marina ne’ebé importante iha nivel global presiza no merese atu hetan protesaun no prezervasaun liuhosi define area protejidu no parke nasionál marina sira. Governu no Ministériu Turizmu agora presiza dezenvolve enkuadramentu legál importante no nesesáriu, ho infrastrutura, formasaun ba ospitalidade iha setór turizmu, akreditasaun ba ajénsia turizmu sira, no komprende rikusoin sira hodi bele jere no tau matan ho di’ak ba oin. Nune’e ita bele asegura indústria eko-turizmu ne’ebé sustentável, protesaun ba ikan-baleia no golfiñu sira hodi fó benefísiu ba komunidade lokál.

Timor-Leste tenke forte atu proteje ita-nia rikusoin no fó solidariedade ba membru IWC ne’ebé buka atu proteje ikan-baleia no golfiñu sira iha mundu. Ita tenke kontra “peska ikan-baleia sustentável” (“sustainable whale fishing”) tanba tuir loloos termu ne’e iha lia-inglés la eziste. Ikan-baleia no golfiñu sira mak ‘mamalia’ (hahoris hanesan ita umanu), la’ós ”fish”; no ita labele kail ikan-baleia, maibé tenke oho ho diman. Ita tenke asegura katak Timor-Leste sei hasoru indústria no nasaun sira ne’ebé suporta kasa ka oho ikan-baleia no golfiñu ba orientasaun komérsiu.

Hamutuk ita sei proteje ita nia tasi no area protejidu ba ikan-baleia no golfiñu sira husi sira ne’ebé iha intensaun atu estraga.

Ami ne’ebé fó ami nia afirmasaun:
  • La’o Hamutuk
  • Fundasaun Haburas, Friends of the Earth TL
  • PERMATIL
  • HASATIL Network
  • Movimentu Hadomi Natureza (Mohana) 
  • Konservasaun Flora and Fauna
  • Asosiasaun Tafon Green
  • Asosiasaun HAK
  • Rede ba Rai
  • Kdadalak Sulimutu Institute
  • Movimentu Tasi Moos 
  • RENETIL
  • Oxfam iha Timor-Leste

Timor-Leste’s waters must remain a sanctuary for whales and dolphins

Joint Statement from Civil Society

Dili, 10 October 2018
Sperm whales. From Timor-Leste from Below, Episode 6.

Considering recent moves by the Government of Japan in support of whaling, we are concerned that the issue may come up during the Japanese Foreign Minister’s visit to Timor-Leste which begins on 11 October. We wish to make clear our strong support for Timor-Leste remaining a sanctuary for whales and dolphins.

As organizations committed to protecting the unique natural environment and valuable heritage of our beloved Timor-Leste, we note the Government’s strong support for marine ecotourism development and the protection of all marine life, as articulated in the National Strategic Development Plan, and in the Government’s recent Tourism Policy.  We also recognize and support the Ministry of Tourism’s ongoing efforts (with partners) to lead and develop the marine ecotourism sector, through its whale and dolphin monitoring program, its work with local tour operators, eco-volunteer organizations and local fishing communities.  In the latest Council of Ministers’ meeting, a “Development Plan for a Sustainable Economy of Marine Eco-Tourism in Timor-Leste” was presented, describing  “a proposal to transform Timor-Leste so that it becomes a reference in dive tourism and whale watching in Southeast Asia” and including “the protection and conservation of all marine life.”  While we do not yet know the details of this proposal and look forward to learning more, it seems to support our view that marine eco-tourism has serious potential, if properly protected.

Pilot whales. Photo by Kevin Austin
We strongly support the protection of our oceans and eco-tourism as part of plans for a more diverse and sustainable economy. A large percentage of our population already depends on marine and coastal life for food, nutrition, and family income. If developed appropriately, building on the Government’s existing efforts, whale watching and eco-tourism have the potential to bring significant economic benefits to local communities. There is an urgent need to diversify our economy, to bolster and expand non-petroleum sectors such as agriculture and fishing, small productive industries and tourism. And these must be developed with a strong commitment to sustainable policies that will safeguard our fragile natural environmental heritage. Our territorial waters are already a sanctuary for whales and dolphins (see Joint Ministerial Order No.18/MAP/MCIA/II/2017, also English), and this offers a unique and special draw for tourists.

Recent articles by international academics and media point to Timor-Leste’s potential as a haven for eco-tourism, particularly for whale and dolphin watching. While limited, our waters are deep and hold within them an estimated 1/3 of all identified species of whales and dolphins (scientifically identified together as “cetacean”). International media companies have already done extensive work highlighting and marketing Timor-Leste’s marine eco-tourism potential through photos and videos highlighting Timor-Leste as a perfect place to see blue whales on their southern migration, swim with sperm whales and see some of the highest concentrated populations of whales and dolphins in the world.  Whale and dolphin watching is recognized around the world as one of the fastest growing tourist sectors; there is also serious interest among marine biologists to study and photograph these beautiful mammals of the sea.  Alongside our largely organic agricultural surroundings, permaculture gardens, beautiful beaches and vibrant coral reefs, whales and dolphins are part of our national treasure, marking Timor-Leste as unique in the world and increasing possibilities to bolster both national and international tourism. By comparison, Sri Lanka has built a strong tourism industry based around whale-watching, and the concentration of whales and dolphins there is far less than in Timor-Leste.

Marine eco-tourism, however, can only flourish if we are able to manage our resources properly and protect our whales and dolphins from the various threats they face such as commercial hunting, shipping strikes and plastic debris entanglement and digestion. These threats, which according to international environmental groups like Greenpeace are increasing, were highlighted in the recent International Whaling Commission (IWC) meeting in Florianopolis, Brazil last month. The IWC was formed in 1946 and is currently made up of 89 member nations charged with the conservation of whales and management of whaling. In 1986, the IWC introduced a ban on commercial whaling, which is still in place. At this recent meeting, Japan introduced a highly controversial proposal, supported by 25 other members, which sought to remove the long-term ban, promoting instead a “coexistence” between conservation and commercial whaling. Following a bitter and heated debate, a majority of voting members rejected the Japanese proposal and confirmed the Florianopolis Declaration supporting the existing international ban on commercial whaling. Those defending this position say there is no need for endangering the whale population.

At the recent IWC meeting, fellow CPLP member Brazil proposed a measure to create a whale sanctuary in the South Atlantic Ocean, but the proposal failed to secure the 2/3 majority it needed to pass. By maintaining our waters as a sanctuary for whales and dolphins, we not only protect our national treasure, but we also offer the world a unique and special place to see these creatures.

As affirmed in Article 61.3 of our Constitution, "The State should promote actions aimed at protecting the environment and safeguarding the sustainable development of the economy." Timor-Leste has ratified the UN Convention on the Law of the Sea (UNCLOS 1982) which outlines state responsibilities for the management of marine resources, and we are a member of the International Maritime Organization (IMO). In 2007, Timor-Leste ratified the International Convention on Biological Diversity (CBD), and has since developed a National Biodiversity Strategic and Action Plan of Timor-Leste (2011-2020) which includes protection of our marine habitat.

Timor-Leste’s globally significant marine biodiversity needs and deserves careful protection and restoration through new marine national parks and heritage areas. Our Government and Ministry of Tourism need to develop the important necessary regulations, infrastructure, tourism training, accreditation and baseline monitoring to ensure the development of a sustainable industry which will benefit local communities while also ensuring the protection of whales and dolphins.

Timor-Leste must stand in solidarity with those members of the IWC who sought to protect whales and dolphins. We must oppose so-called “sustainable whale fishing” because there is in fact no such thing; Whales and dolphins are mammals, not fish, and are hunted, not fished. We need to ensure that our national policies counter the strong pro-whaling lobby.

Together, we the undersigned commit to protecting our oceans, protected areas, whales and dolphins from those who threaten them.
  • La’o Hamutuk
  • Haburas Foundation, Friends of the Earth TL
  • PERMATIL
  • HASATIL Network
  • Movimentu Hadomi Natureza (Mohana)
  • Conservation Flora and Fauna
  • Tafon Green Association
  • HAK Association
  • Rede ba Rai – Land Network
  • Kdadalak Sulimutu Institute
  • Movimentu Tasi Moos – Clean Ocean Movement
  • Oxfam in Timor-Leste
  • RENETIL

05 October 2018

Sosa Partisipasaun iha Greater Sunrise husi ConocoPhillips

Signifika saida mai Timor-Leste? Signifika saida kona-ba kadoras?
Semana kotuk, negosiadór husi Governu Timor-Leste ho kompañia mina internasionál ConocoPhillips konkorda katak Timor-Leste sei sosa ConocoPhillips nia partisipasaun husi Konsórsiu (Joint Venture) kompañia mina haat nian ne’ebé hetan kontratu atu dezenvolve kampu mina no gás Greater Sunrise. Bainhira sosa ho osan hamutuk tokon $350, Timor-Leste sei sai na’in ba 30% husi projetu ne’e, hamutuk ho Woodside (33%), Shell (27%) no Osaka Gas (10%). Se prosesu sosa ne’e liu husi TimorGAP nudár Timor-Leste nia kompañia mina nasionál, TimorGAP sei partisipa iha prosesu foti desizaun ba projetu, iha responsabilidade atu kontribui 30% husi investimentu, no iha direitu atu simu 30% husi projetu nia lukru.

Artigu ne’e sei responde ba konfuzaun balu no informasaun laloos ne’ebé sirkula iha Timor-Leste no media internasionál kona-ba sosa partisipasaun no Projetu Sunrise. La’o Hamutuk akompaña asuntu ne’e iha tinan barak nia laran. Ami publika livru Sunrise LNG iha Timor-Leste, Mehi, Realidade no Dezafiu iha 2008, no ami kontinua enkoraja desizaun hirak ne’ebé bazeia ba faktu no loloos ne’ebé klaru atu responde ba povu Timor-Leste nia interese. Ami hein katak artigu ida ne’e sei ajuda imi hotu atu kompriende aspetu legál, ekonómiku, sosiál no ambientál husi projetu ne’e, ne’ebé potensiálmente lori benefísiu signifikante ka lakon boot ba ita nia povu. Atu fó hanoin katak, buat importante liu bainhira halo desizaun la’ós atu manán kadoras ka manán opiniaun husi nasaun seluk no kompañia sira, maibé saida mak sei sai benefísiu liu ba povu Timor-Leste iha tempu naruk.

Antesedente

Kampu mina no gás iha tasi okos Greater Sunrise deskobre iha 1974, maibé seidauk dezenvolve tanba okupasaun Indonesia, disputa ba fronteira maritima ho Austrália (ne’ebé foin lalais mak rezolvidu), no seidauk iha konkordánsia kona-ba prosesu gás sei halo iha ne’ebé. Analista balun estimatiza katak mina no gás iha Greater Sunrise sei fa’an ho folin hamutuk biliaun $50. Hafoin selu ba investimentu kapitál, kustu operasaun no kompañia nia lukru, Timor-Leste bele hetan reseita husi impostus no taxas ba produsaun biliaun $8-20. Se karik Timor-Leste sai na’in sorin balu, ita sei fahe osan lukru, no mós hetan responsabilidade ba investimentu.

Iha tinan barak nia laran Sunrise nia projetu paradu tan de’it Governu Timor-Leste insiste katak kadoras husi gás natural tenke kanaliza mai Timor-Leste hodi gás hirak ne’e sei sai malirin liu no sei hafoin nabeen transforma ba LNG (Liquefied Natural Gas) nune’e bele hatama iha ró tanke boot sira no bele fa’an ba konsumidór sira iha rai li’ur. Maske nune’e, kompañia mina haat iha Konsórsiu fiar katak meius ba produsaun LNG – liuhosi kadoras ba Australia (Darwin LNG ka DLNG) ka uza plataforma namlele (Floating LNG) – sei fó lukru ne’ebé barak liu no nia risku sei ki’ik liu. Governu Timor-Leste fiar katak kriasaun servisu lubun, kontratu no dezenvolve ekonomia lokál husi projetu Tasi Mane iha Kosta súl sei lori kompensasaun aas liu fali kustu no risku husi lori gás mai iha ne’e, Governu Australia, Konsórsiu Sunrise nian, no Komisaun Konsiliasaun ONU ne’ebé fasilita Tratadu Fronteira la iha fiar ne’e hanesan Governu Timor-Leste. La’o Hamutuk no peritu hirak ne’ebé ami konsulta tiha ona la konvensidu katak benefísiu ba Timor-Leste sei boot liu fali nia kustu, no ami ezije beibeik ba jestór husi projetu ne’e atu fahe dadus no asumsaun sira ne’ebé mak halo sira sai optimístiku tebes ba projetu ne’e.

Fulan Marsu foin lalais, Timor-Leste no Australia asina Tratadu istóriku atu estabelese fronteira maritima, no nia ratifikasaun ne’ebé pendente hela iha nasaun rua. La’o Hamutuk selebra susesu boot ida ne’e nudár aspetu signifikante ida atu avansa Timor-Leste nia soberania nasionál. Maske negosiadór sira iha esperansa katak bele rezolve kestaun Sunrise nian molok Tratadu ne’e asina, sira seidauk bele atinje ida ne’e. Tanba kampu Sunrise la’ós iha sorin ida de’it husi fronteira ne’ebé fixu husi tratadu foun, Timor-Leste sei simu 70% husi rendimentu governu nian husi mina no gás Sunrise nian bainhira prosesamentu gás akontese iha Timor-Leste, no 80% se prosesamentu gás akontese iha Australia.

Sosa Partisipasaun husi ConocoPhillips

ConocoPhillips nia partisipasaun iha Konsórsiu Greater Sunrise mak 30% husi projetu tomak. Timor-Leste sosa partisipasaun ne’e nudár pasu ida iha prosesu naruk atu lori kadoras husi kampu Sunrise ba Beaçu iha parte kosta-súl. Povu Timoroan barak mak orgullu ba ita nia lider polítika sira nia abilidade hodi konvense ka selu Australia no kompañia mina sira atu simu pozisaun ida ne’e. Maibé, kestaun ida ne’e sei iha konsekuénsia boot tebes ba orsamentu, ekonomia, ambiente no sosiedade ne’ebé bele afeta ema barak nia moris iha jerasaun ba jerasaun. Konsekuénsia sira ne’e sei fixu iha tempu naruk no importante liu fali duke emosaun patriotismu ne’ebé temporáriu. Seidauk klaru katak kadoras husi Sunrise nudár dalan ida di’ak ba povu Timor-Leste.

Nasaun presiza no merese hetan análiza detallu no loloos, ho informasaun públiku, kona-ba kustu, benefísiu risku no impaktu husi projetu sira Greater Sunrise no Tasi Mane nian, molok uza hotu osan biliaun dolares husi povu nia osan ba selu kompañia mina, kontraktór sira, indivíduu sira no kompañia sira seluk ne’ebé laiha kompromisu naruk ba nasaun ka obrigasaun atu serve interese públiku.

La’o Hamutuk iha duvida boot katak estudu ne’ebé presiza halo duni sei prova katak benefísiu husi lori kadoras Sunrise mai Timor-Leste sei nato’on atu justifika kustu, risku no impaktu sosiál ne’ebé boot. Karik estudu ida sei bele prova duni, akordu foin lalais atu sosa partisipasaun husi ConocoPhillips la sufisiente atu garante katak kadoras sei mai duni Timor-Leste.

Saida de’it mak sei presiza akontese atu bele lori kadoras mai Timor-Leste??

  1. Tuir regulasaun Konsórsiu Sunrise nian, parseiru idak-idak - Woodside, Shell no Osaka Gas - iha direitu atu “pre-empt” entidade ne’ebé atu sosa. Signifika katak se ConocoPhillips hakarak atu fa’an ninia partisipasaun, kompañia ida husi kompañia hirak ne’e bele sosa fali atu prevene interese ne’e monu fali ba entidade seluk nia liman. Notísia iha mídia indika katak Woodside karik uza podér ida ne’e, no bele prevene Timor-Leste atu sosa partisipasaun husi ConocoPhillips.

  2. Reguladór sira husi Governu Australia no Timor-Leste sei presiza aprova prosesu sosa no fa’an ida ne’e. Konkordánsia husi kontratu fa’an no konkordánsia husi Konsórsiu presiza aprova husi Konsellu Ministru no hetan revizaun husi Tribunal de Contas.

  3. Timor-Leste sei selu tokon $350 ba ConocoPhillips iha inísiu tinan oin nudár kustu avansu no obrigasaun finanseiru ba kustu osan ne’ebé boot liután iha futuru (haree #5 iha okos). Tokon $350 – liu fali dobru husi saida mak Timor-Leste hasai kada tinan atu eduka ita nia labarik sira – sei hasai husi Fundu Petróleu, karik mós bele sai parte ida husi OJE 2019 ne’ebé governu sei proposta ba Parlamentu iha Novembru. Ami hein katak debate iha Parlamentu kona-bá OJE sei hakle’an liután diskusaun kona-ba kestaun sira ne’e hotu, inklui mós obrigasaun finanseira no buat seluk ne’ebé asume kona-ba Timor-Leste nia partisipasaun iha Konsórsiu ne’e.

  4. Bainhira Timor-Leste sai na’in ba 30% partisipasaun husi Greater Sunrise, Governu Timor-Leste mós presiza atu konvense ho Shell no Woodside atu aprova katak kadoras dada mai Timor-Leste, ne’ebé posibilidade sei hamenus rendimentu husi projetu. Baibain iha konsórsiu hanesan ne’e, presiza iha konkordánsia ho unidade (aprovasaun husi parte ida-idak) atu deside asuntu boot hanesan ne’e.
         ConocoPhillips hakarak prosesa gás iha Darwin, karik tanba nia mak sai na’in prinsipál husi planta LNG ne’ebé prosesa ona gás husi Bayu-Undan (ne’ebé lakleur remata no halo planta ne’e la uza), no sira enkoraja Shell no Woodside atu suporta sira nia pozisaun. Molok ida ne’e, Konsórsiu hakarak liu plataforma namlele (Floating LNG); Timor nia LNG ne’e sempre sai preferénsia datoluk ba parseiru sira hotu.
         Se laiha ConocoPhillips, Konsórsiu Sunrise sei menus rekursu finanseiru no tékniku profisionál no administrativu, no parseiru sira seluk sei husu kompensasaun ba kustu no risku tékniku no seguransa husi liña kadoras iha tasi kle’an ba planta LNG foun iha Beaçu. Nune’e mós sei iha infrastrutura adisionál atu suporta regulamentu ne’ebé nesesáriu.
         Entidade ne’ebé sei sosa LNG ne’e mós presiza aprova opsaun dezenvolvimentu no sira sei hakarak garantia katak presu, kontinuidade ba fornesimentu no seguransa operasaun bele responde ba sira nia nesesidade.

  5. Timor-Leste sei presiza selu 30% ba leten husi kustu kapitál atu dezenvolve kampu Sunrise, ne’ebé sei aumenta dolares biliaun balun. Investimentu ne’e la’ós de’it ba kadoras no planta LNG, maibé mós ba perfurasaun ba posu sira hodi halo peskiza no produsaun, harii infrastrutura atu prosesa mina no gás iha kampu (karik inklui mós prosesamentu namlele (Floating Production Storage and Offloading Vessel, armazenamento iha ró ne’ebé lori atu rezerva no fa’an mina husi Sunrise), infrastrutura operasionál, no ba kustu sira seluk. Karik osan hirak ne’e mai husi empréstimu, Timor-Leste tenke selu fali ho tomak osan inan ho nia funan. Mezmu ema hotu espera katak investimentu ne’e sei rekupera fila fali hafoin kampu ne’e komesa prodús iha tinan 6-12, osan hirak ne’e tenke selu lalais, no laiha serteza atu rekupera.

  6. Hafoin parseiru no governu sira aseita, no finansiamentu ba investimentu kapitál garante ona, Konsórsiu tenke dezeña no harii projetu, no kumpre regulamentu sira no konkordánsia ba prátika di’ak ambientál nian.

Protesaun

Indústria mina no gás sei kauza poluisaun, fakar, asidente, ahi han no esplozaun iha mundu tomak, no ita presiza atu hare medida apropriadu atu proteje ita nia rai doben ida ne’e. Seidauk iha buat boot hanesan ne’e harii husi Timor-Leste nia istória, no seidauk iha ema ida mak esperiénsia ona dezastre ambientál ne’ebé bele mosu husi ida ne’e.

Ita nia ajénsia reguladór sira no autoridade ambientál seidauk iha koñesimentu, kompriensaun ka perspetiva atu jere rasik projetu hanesan ne’e, no sira dala barak susar atu kontra presaun polítika. Mezmu nune’e, kapasidade sientífiku no administrativa bele dezenvolve iha tempu naruk – ho apoiu husi ema sira ne’ebé iha ona responsabilidade boot ba projetu sira ne’ebé hanesan. Prosesu aprende sei naruk no konsekuénsia karik sala boot tebes. “Aprende husi pratika” sei la bele atu simu bainhira lori biliaun dolar no ema rihun nia vida mak sai risku.

Indústria petróleu nudár indústria ida ho lala’ok segredu no projetu boot sira ne’e iha mundu tomak, ne’ebé inklui mós selu rihun atus dolar too dúzia husi entidade, dala barak sei fó fatin atu mosu korrupsaun. Hafoin Timor-Leste sai na’in ba Sunrise, ita nia nasaun no osan sei sai maninga ba na’ok-teen no bosok-teen sira ne’ebé hakarak sai parte husi asaun, no ita mós karik sei selu barak liu fali duké saida ita espera atu selu. Ho projetu boot no kompleksu hanesan ne’e, Timor-Leste presiza atu implementa ho transparénsia, iha supervizaun, akontabilidade no kontrolu no balansu de podér durante ninia implementasaun Ita seidauk iha protesaun di’ak ne’ebé presiza, no ita tenke dezenvolve lalais.

Konkluzaun

Nudár sumáriu, ema hotu iha Timor-Leste presiza iha serteza katak viajen ba tempu naruk ida ne’e mak sei lori ita ba hetan fatin di’ak. Timor-Leste hasai tiha ona maizumenus tokon $250 ba projetu Tasi Mane, no barak liu ba aeroportu Suai no Auto-Estrada Suai-Fatukai. Ita agora sei gasta tan tokon $350 liu atu sosa ba iha Greater Sunrise, ne’ebé tuirmai sei hasai tan biliaun lubun ba preparasaun atu hasai mina no gás. Karik ita sei hasai biliaun $5 too $10 atu dezenvolve restu husi projetu Tasi Mane.

Ho liafuan seluk katak, posibilidade katak estadu sei hasai maioria husi Fundu Petróleu biliaun $17 – ne’ebé atu finansia ba edukasaun, saúde, estrada, bee, eletrisidade, veteranu, PNTL, F-FDTL no buat barak tan – duni atu hetan gás husi Greater Sunrise. Ida ne’e seidauk tarde atu tetu ninia kustu no benefísiu ho sériu, no atu haree se liuhosi mina mak dalan ne’ebé garantido, prátiku, no produtivo atu uza rekursu ekonómiku nasaun nian ne’ebé limitadu no naun renovável. Karik ita investe tempu, osan, kapitál polítika, no abilidade administrativa iha projetu Sunrise no Tasi Mane – ka karik ita tenke foti dalan ne’ebé seguru no klaru liu no menus perigozu atu diversifika ita nia ekonomia, harii rekursu umanu no agríkola?

Se bainhira ita foti desizaun ne’ebé sala ohin loron, sei difisil atu muda iha futuru, no ita bele kontinua fakar osan ba buat hirak ne’ebé la lori lukru barak, ka tau fini ba aifuan ne’ebe sei la lori fuan barak.