Tamba sa Timor-Leste tenke deve? 15 Abril

Konvite ba Enkontru Publiku

Hafoin Timor-Leste hetan ukun-an iha 2002, to ohin loron Governu haat Timor-Leste halao prosesu dezenvolvimentu lahoo deve osan husi nasaun estrangeiru ka instituisaun finanseira internasional ida. Maibe aktualmente Governu hahú halo lejislasaun, aprosimasaun diplomatika no asaun finanseira balun atu halo deve osan husi governu ka instituisaun estranjeiru sira.

Asuntu deve ne’e sai asuntu ida ne’ebe mak importante tebes, tamba ne’e La’o Hamutuk sei organiza Enkontru Publiku ida ho Topiku “Tamba sa Timor-Leste tenke deve?/why should Timor-Leste go into debt?” ho Orador sira mak hanesan, Sra. Kristin Sundell (nudar peritu ba impaktu deve iha nasaun terseiru mundu), Jose Abel dos Reis (Asesor, RDTL Ministeriu Finansas), Rev. Fransisco Vasconcelhos, (Presidente KKFP - Konseilu Konsultativu Fundu Petrolifeiru) no Juvinal Dias husi La’o Hamutuk.

Enkontru publiku ne’e ho objetivu atu fahe informasaun kona-ba saida mak impaktu deve husi rai liur ba Timor-Leste iha futuru no atu hatene liu tan razaun Estadu Timor Leste nian atu deve, alem ne’e sei halo komparasaun  esperiensia deve nian husi nasaun sira seluk.

Enkontru publiku ne’e sei hala’o iha :
Loron     : Kinta, 15 Abril 2010
Oras       : 09:00-12.30
Fatin       : Auditorium LICEU, FKIP-UNTL 

Enkontru publiku ne’e nakloke ba ema hotu no sei halao iha lian tetun maibe ami sei prepara tradutor ba iha lian Ingles.
Atu hatene informasaun liu tan bele kontaktu juvinal@laohamutuk.org,  ka +670 7348703.

La’o Hamutuk nudar organizasaun naun govermental ida ne’ebe halo monitorizasaun no fo análiza ba prosesu dezenvolvimentu Timor-Leste nian, iha area Rekursu Naturais, Ekonomia, Agrikultura, ho Governasaun no Demokratizasaun. No La’o Hamutuk disemina informasaun sira ne’e liu husi Buletin, website, Programa Radio no Enkontru Publiku.