Konvite ba media briefing kona ba Tratadu CMATS

Ita boot bele hetan aprezentasaun husi briefing ida ne'e hanesan PowerPoint ka PDF. 
You can download an English translation of the presentation from this briefing as PowerPoint or PDF.

Loron 23 Fevreiru 2013 sei sai data inísiu ba Timor-Leste ka Australia atu halo notifikasaun hodi termina Tratadu CMATS (Certain Maritime Arrangements in the Timor Sea/Aranjamentu Maritima balu iha Tasi Timor) hafoin tratadu ne’e vigora dezde 2007.  Ita boot bele hetan informasaun baziku iha ne’e iha Tetum no English, ka iha ne'e ho detallu liu.

Durante ne’e iha kobertura barak hosi media kona-ba asuntu CMATS ne’e, no La’o Hamutuk hakarak atu apoiu jornalista sira hodi hatene liu tan informasaun kona-ba vantajen no dezvantajen karik Timor-Leste termina Tratadu CMATS. Nune’e ami hakarak konvida ita-boot sira husi Media ne’ebé interese atu komprende asuntu ne’e atu bele mai tuir briefing no diskusaun ne’ebé sei realiza iha:
Loron    Kinta-Feira,  21 Fevreiru 2013
Fatin     La’o Hamutuk, Rua dos Martires da Patria, Bebora, Dili, Timor-Leste
Horas   Tuku 14.00 to 16.45

Bele konfirma ita-boot sira nia partisipasaun ba +670 7734-8703 ka juvinal@laohamutuk.org.

La'o Hamutuk sei organiza enkontru ida tan ba públiku kona ba tópiku CMATS no fronteira maritima iha semana ida ka rua. Bainhira ami konfirma data no fatin, ami sei fahe informasaun klaru.