02 February 2010

La'o Hamutuk Vaga Servisu (Tetum)

La’o Hamutuk nu’udar organizasaun independente husi sosiedade sivíl Timor-Leste nian ne’ebé tau matan, analiza no halo relatóriu kona-ba instituisaun prinsipál sira iha Timor-Leste ne’ebé iha relasaun ba dezenvolvimentu fíziku, ekonómiku no sosiál Timor-Leste nian. La’o Hamutuk halo advokasia hodi povu mak sai autór prinsipál ba foti desizaun kona-ba prosesu ida-ne’e, ne’ebé tenke ekitavel, sustentável, demokrátiku no transparente.

La’o Hamutuk servisu iha area boot balu: Finansas estadu, Petroleum, Ekonomia, Governasaun di’ak, Agrikultura no Asuntu Rai.

Informasaun kompletu liu kona-ba La’o Hamutuk no nia publikasaun sira, inklui Buletin, Stetmentu  no Relatóriu Anuál, bele hetan iha www.laohamutuk.org. Atu hatene informasaun kona-ba ema internasionál ne’ebé hakarak servisu hanesan voluntáriu ka estájiadu iha La'o Hamutuk: www.laohamutuk.org/misc/LHVolunteerInfo.htm.

Oras ne’e ami buka ema sira-ne’ebé iha kualidade ba peskiza atu servisu iha Dili ho dala ruma karik servisu mós iha munisípiu sira seluk.

Ami enkoraja tebes feto sira atu aplika.

Deskrisaun servisu

Peskizadór ida-idak halo peskiza no relatóriu kona-ba impaktu husi sistema no organizasaun internasionál, governu, no instituisaun seluk ne’ebé ativu iha Timor-Leste. Organizasaun La’o Hamutuk la-iha ierarkia, nune’e staff peskiza hotu responsabiliza ba servisu programa no administrasaun nian, no desizaun halo liu husi konsensu. Tanba ne’e, peskizadór hala’o mós atividade administrasaun no lojistiku iha organizasaun nia laran, inklui servisu hamutuk ho sira seluk inklui órgaun konsellu atu dezenvolve no implementa planu no servisu organizasaun nian.

Ami presiza ema ho:
  • Esperiensia servisu kona ba dezenvolvimentu internasional no/ka peskiza ba politika, ho kapasidade atu aprezenta rezultadu peskiza ba iha forma eskrita no mos oral ho klaru
  • Iha komitmentu makas hodi dudu prosesu dezenvolvimentu ida nebe demokratiku liu, partisipativu liu no transparente liu iha Timor-Leste.
  • Esperiensia nudar aktivista politiku no/ka advokasia direitus humanus
  • Esperiensia no konhesimentu kona ba area monitoring nebe temi iha leten
  • Kapasidade atu hakerek no koalia iha lian Ingles no Tetum, ho hakarak atu sai profisiente. Diak se bele Portugues.
  • Forte iha organizasaun no skill komputador
  • Kapasidade atu servisu hamutuk ho kreatividade iha kontextu ho kultura oi-oin
  • Komitmentu hodi fahe skill no ajuda dezenvolve kapasidade ema seluk nian
  • Konhesimentu no komprensaun kona ba istoria no politika iha Timor-Leste
  • Esperiensia hela no servisu iha nasaun foin dezenvolve-an; prontu no bele moris ho simplisidade
  • Saude fisiku no mental diak
  • Esperiénsia servisu kona-ba dezenvolvimentu internasionál no/ka halo peskiza ba polítika, ho kapasidade atu aprezenta no hakerek rezultadu ho klaru;
  • Iha kompromisu maka’as hodi dudu prosesu dezenvolvimentu atu sai demokrátiku, partisipativu, sustentável, ekuitavel no transparente;
  • Esperiénsia nudár ativista polítiku no/ka advokasia direitu umanu;
  • Esperiénsia no koñesimentu kona-ba area peskiza ne’ebé temi iha leten;
  • Kapasidade atu hakerek no ko’alia iha Ingles no Tetum, ho hakarak atu sai profisiente. Di’ak se bele Portugés;
  • Forte iha abilidade oioin ne’ebé sustenta organizasaun, hanesan organiza tempu, arruma sasán, koordena ekipa, no uza komputadór;
  • Kapasidade atu servisu hamutuk ho kriatividade iha kontextu ho kultura oi-oin;
  • Kompromisu hodi fahe abilidade no ajuda ema seluk atu dezenvolve ninia kapasidade;
  • Koñesimentu no kompriensaun kona-ba istória no polítika iha Timor-Leste;
  • Esperiénsia hela no servisu iha nasaun foin dezenvolve-an; prontu no bele moris ho simples;
  • Saúde fíziku no mental di’ak;
  • Iha kompromisu atu servisu mínimu tinan ida iha La’o Hamutuk.
Ami oferese

La’o Hamutuk organizasaun ki’ik maibé iha espíritu servisu maka’as; ami-nia staff servisu hamutuk iha ekipa ho asuntu ne’ebé la hanesan. Staff lokál no internasionál iha responsabilidade no simu kompensasaun ne’ebé hanesan, inklui saláriu 800 US$/fulan, ho seguru-saúde nian bazeia ba nesesidade. Ba staff internasionál, iha osan mós ba viajen mai no fila husi Timor-Leste, osan aluga uma, no ajuda ho osan bainhira fila ba ninia rai.

Kontaktu

Aplikasaun bele hatama bainhira de’it no sei hetan konsiderasaun bainhira ami simu, favor anexu:
  • Karta aplikasaun ne’ebé esplika tanba sá ita boot hakarak servisu ho La’o Hamutuk;
  • Curricula Vitae (CV) ne’ebé esplika antesedente (background) edukasaun, esperiénsia servisu profesional no voluntáriu;
  • Ezemplu kompozisaun kona-ba prosesu dezenvolvimentu iha Timor-Leste, naruk pájina 2-5;
  • Informasaun kontaktu husi referénsia na’in rua.
Aplikasaun bele haruka ba eskritóriu La’o Hamutuk nian iha Bebora, Dili, ka ba laohamutuk@gmail.com. Informasaun liután, kontaktu +670 3321040.

Aktualiza iha fulan Maiu 2018. Revisaun iha lingua Tetum no English and Tetum sei fo sai iha http://www.laohamutuk.org/misc/LHJobAnnouncement.html.

2 comments:

  1. La'o Hamutuk hanesan organizasaun nebe kritiku, koalia bazeia ba faktus, resultadu peskiza diak no bele fo vizaun ida oin sa hadiak ba dezenvolvimentu TL. Lideransa nebe diak bele konsidera ita bot sira nia resultadu servisu. Hau akompanha imi nia resultadu peskiza balun iha tinan kotuk. Hau apresia imi nia servisu iha area Boa Governasaun. Hau hein mos imi nia komentariu ka rezultadu peskiza ruma relasiona ho Eleisaun Parlamentar 2012. Hau ema nebe anti ba hahalok korrupsaun no injustisas.

    ReplyDelete
  2. hau apresia tebes ho imi nia organizasaun maibe nudar Timor oan triste liu wainhira to'o agora sedauk iha ema ida mak tama kadeia ba hahalok krupsaun lahatene tuir lolos ne'e imi iha kbi'it ka lae? lori naok ten sira ne'e ba iha julgamentu.

    ReplyDelete