28 November 2019

Proposta Orsamentu Jerál Estadu ba tinan fiskál 2020

Iha 15 Outubru 2019, Governu submete proposta OJE 2020 no Exposição de Motivos, depois loron balun fornese livru sira Orsamentu Jerál Estadu 2020 nian ba Parlamentu Nasionál. Komisaun permanente sira PN nian finaliza nia audiénsia ho Governu, Instituisaun estadu relevante inklui Sosiedade Sivíl. 

Paresér sira hotu husi instituisaun oin-oin inklui Sosiedade Sivíl nia, entrega hotu ona ba komisaun sira relevante no mós halo diskusaun durante audiénsia. Komisaun C  aprova no entrega relatóriu paresér ba Prezidente Parlamentu Nasionál iha dia 21 Novembru 2019. Hafoin adiamentu, PN sei hahú reuniaun plenária Parlamentár iha loron 2 Dezembru, hodi halo diskusaun no votasaun iha jeneralidade (dia 2-4 Dezembru), espesialidade, no votasaun final global iha dia 18 Dezembru 2019.

Montante Orsamentu Jerál Estadu ba tinan fiskál 2020 hamutuk biliaun $1,950. Nudár Orsamentu jerál ne’ebé besik hanesan iha Orsamentu Retifikativu tinan fiskál 2016 nian, boot liu iha istória Timor-Leste nian. Reprezentante Ministériu Finansa iha La’o Hamutuk nia enkontru públiku hatete se kreximentu OJE kada tinan kontinua hanesan kreximentu 2019-2020, FP bele mamuk iha 2027 kuandu Timor-Leste nia nivel despeza la’o nafatin ho montante hanesan agora, Timor-Leste nia Fundu Petrolíferu bele mamuk durante tinan 8 tuir mai, ne’ebé sei hotu iha 2027.

Finansiamentu ba OJE 2020 mak tuir mai ne’e:
  • t$1,466 husi Fundu Petróleu (besik liu dala tolu RSE t$537)
  • t$   200 husi 'carryover' husi 2019 (85% ne’ebé mai ona husi Fundu Petróleu )
  • t$     73 husi empréstimu, atu selu fali iha futuru
  • t$   210 husi reseita doméstika.
Despeza husi osan ne'e aloka ba kategoria sira tuir mai:
  • t$241 ba saláriu no vensimentu (aumenta 13% kompara ho 2019)
  • t$738 ba bens no servisu (aumenta 56% kompara ho 2019 - balu atu selu dívida ba kombustivel)
  • t$458 ba transferénsia públiku (aumenta 26% kompara ho 2019)
  • t$  53 ba kapitál menór (aumenta 69% kompara ho 2019)
  • t$386 ba kapitál dezenvolvimentu (la inklui empréstimu) (aumenta 23% kompara ho 2019)
  • t$  73 ba empréstimu ba kapitál dezenvolvimentu (hamenus 16% kompara ho 2019)
La’o Hamutuk nia rekomendasaun ne’ebé inklui ona ba Submisaun no hato’o durante iha audiénsia ho Komisaun C PN mak tuir mai ne’e:
  • Ami husu ba membru Parlamentu Nasionál atu hare no kuidadu ba definisaun sira ba despeza husi OJE 2020. Liuliu ba aumentu hirak ne’ebé signifikante maka’as hanesan iha transferénsia publika liu Ministériu Petróleu no Minerais no mós aumentu iha Fundu Kontrapartidas.
  • Proposta OJE 2020 ne’ebé sei fó impaktu ba Timor-Leste ninia sustentabilidade orsamentál no ameasa durasaun Fundu Petrolíferu nian. Ami husu atu Parlamentu Nasionál tetu didi’ak proposta OJE 2020 antes halo desizaun.
  • Presiza haforsa no hametin sistema monitorizasaun no kontrolu atu nune’e bele asegura implementasaun ba programa sira la’o ho efisiénsia no efetivu hodi garante katak fó duni no maximiza benefísiu konkretu ba povu Timor-Leste.
  • Ami sujere atu kontinua investe iha setór produtivu sira hanesan Agrikultura Familiar, Turizmu komunitária, indústria ki’ik sira ne’ebé bele redús kiak, malnutrisaun, dezempregu, no redús dependénsia ba importasaun.
  • Investe iha rekursus umanu liu husi hadi’ak kualidade setór sira hanesan edukasaun, saúde, bee no saneamentu hodi bele asegura povu Timor-Leste sai povu ida ne’ebé saudável, matenek no produtivu.
  • Suspende despeza ba projetu Tasi Mane no avansa ba estudu independente ida ne’ebé bele halo estudu avaliasaun ba kustu tomak, risku, benefísiu husi projetu ne’e rasik.
  • Husu ba membru Parlamentu Nasionál atu la aprova envelope tokon $750 ba akordu empréstimu foun iha 2020, se bainhira Governu la fó esplikasaun detallu kona ba empréstimu sira ne’e ba saida, hodi halo saida no oinsá ho atu selu fila fali.
Relatóriu Komisaun sira ne’ebé Komisaun C Permanente Parlamentu Nasionál elabora no fahe ba deputadu sira, rekomenda asuntu barak atu Governu no Plenária Parlamentu Nasionál konsidera. Ami rejista pontu importante balun hanesan tuir mai ne’e:
  1. Komisaun D husu atu bele redús signifikante OJE 2020 , sira temi biliaun $1.3, $1.4 ka $1.6. Komisaun ne’e mós husu atu redús planu despeza iha kategoria bens no servisu no transferénsia públiku ne’ebé konsidera nudár ejazeradu. Sira mós sujere atu la’ós redús de’it osan maibé bele hadi'ak kapitál umanu iha Nasaun. Sira mós preokupa katak Fundu Petrolíferu nia gastu, nia paradeiru ba de’it iha konsumu (BS no TP) la’ós investe husi kapitál dezenvolvimentu.
  2. Komisaun C rekoñese katak atualmente reseita doméstiku atu selu de’it ba kategoria saláriu vensimentu mós la too. Komisaun C nia preokupasaun hanesan ho saida mak La’o Hamutuk preokupa katak iha planu Governu nia hatete prioridade ba setór infrastrutura, setór ekonómiku no sosiál hanesan saúde, edukasaun no agrikultura, konteúdu husi alokasaun la komprova deklarasaun ka planu Governu nian. Dehan mós proposta OJE 2020 viola rejime jurídiku aprovizionamentu tanba transfere ba munisipiu no jestaun projetu no investimentu too tokon $5. Komisaun mós rekomenda atu Governu halo espesifikasaun alokasaun ba ANPM, IPG no sira seluk. Rekomenda atu aprova diploma legal própriu kona-ba Orsamentu Seguransa Sosiál.
  3. Iha relatóriu no rekomendasaun sira husu atu redús no elimina viajen estranjeiru sira ne’ebé la’ós de’it atu gasta osan maibé la ajuda esforsu sira doméstiku nia ba hadi’a Nasaun.
  4. Infelizmente, Komisaun sira Parlamentu Nasionál la inklui preokupasaun sira kona-ba risku sira ne’ebé sei husik hela ba Timor-Leste husi projetu Tasi Mane no Greater Sunrise, gastu desnesesariu, transparénsia husi Fundu Kontrapartida.
  5. Komisaun sira mós la temi katak despeza sira barak liu sei ba projetu boot no rekorente ka iha administrasaun públiku duke gasta ba dezenvolvimentu Nasaun ne’ebé nia efeitu direta ba ekonomia Nasaun nian no ajuda ema kiak sira iha area rural. 
Bele hetan informasaun no dokumentu seluk relevante ba prosesu no konteúdu OJE 2020 husi  http://www.laohamutuk.org/econ/OGE20/19OGE20.htm. Parlamentu Nasionál muda ona kalendáriu ba diskusaun OJE iha jeneralidade, espesialidade no final global hanesan temi iha leten. Razaun muda kalendáriu ida ne’e mak relatóriu paresér komisaun sira nian seidauk finaliza.

Hakarak klarifika informasaun ruma bele liga ba ami; +670-3321040, no +670-77234330.

02 October 2019

Konvite nakloke ba públiku no media sira kona-ba diskusaun Proposta OJE 2020

La’o Hamutuk, Fongtil no Core Group Transparency-CGT sei realiza enkontru Públiku ida kona-ba Proposta orsamentu Jerál Estadu ba tinan fiskál 2020. Oradór sira mai husi Ministériu finansa, Partidu Opozisaun iha Parlamentu Nasional no Sosiedade Sivíl. Enkontru Públiku ne’e sei realiza iha kinta feira dia 3 Outubru 2019 iha Salaun Katedrál Bebora DILI, tuku 9 too remata iha lorokraik, ho han meudia. 

Komité Revizaun Polítika-KROP finaliza ona diskusaun kona-ba Orsamentu Jerál Estadu 2020 iha dia 23 Setembru 2019. Relatóriu KROP nian liga ho OJE 2020 konsellu Ministru apresia da uluk ona iha dia 27 setembru no sei aprova iha dia 2 Outubru 2019.

Bele mai partisipa no halo diskusaun kona-ba liña jerál Orsamentu Jerál Estadu 2020 nian ho oradór sira, bele rona informasaun, dadus sira, medida Orsamentais sira ne’ebé Governu diskute ona no bele konfirma ho reprezentante husi Ministériu Finansa ho difikuldade no preokupasaun sira no bele rona observasaun no sujestaun sira Sosiedade Sivíl nian, bele mós rona perspetiva Bankada Opozisaun FRETILIN nian relasaun ho ezekusaun no Proposta OJE 2020.

Nudár pasu inísiu atu parte hotu bele fahe informasaun, hetan informasaun, diskusaun no konfirmasaun no ajuda ita hotu bele iha koñesimentu ba partisipa di’ak liu tan iha pasu sira tuir mai, liu-liu bele intende no partisipa iha debate sira iha públiku bainhira diskusaun Orsamentu la’o iha Parlamentu Nasional bainhira Governu submete ona ba, iha loron 15 Outubru.

Mai, mai, bele aprende, bele rona, bele konfirma/husu no sei iha esplikasaun husi oradór sira no bele estabelese ligasaun konstrutivu entre Governu, sosiedade sivíl no partisipante sira seluk durante enkontru públiku. Bele hetan informasaun balun relasaun ho proposta Orsamentu Jerál Estadu 2020 iha ne’e; http://www.laohamutuk.org/econ/OGE20/19OGE20.htm, inklui aprezentasaun sira husi enkontru publiku ida ne'e.

Obrigadu barak ba atensaun no Partisipasaun. Celestino Gusmão, 77432621

17 September 2019

Prémiu Solidariedade ba Saskia / Solidarity Prize to Saskia

Komité Popular fó Prémiu Solidariedade ba Saskia!

[English follows below]
Dia 10 Setembru 2019, Komité Popular ne’ebé organiza Konferénsia Solidariedade iha dia 27,28 no 29 Agostu 2019, oferese Prémiu Solidariedade ba mana Saskia Kouwenberg ba kontribuisaun boot ne’ebé nia halo ona ba Rai Doben Timor-Lorosa’e. Prémiu Solidariedade ne’e entrega husi Irma Maria de Lourdes Martins Cruz “Mana LU” no Prezidente Komité 12 Novembru Sr. Gregório Saldanha iha Balide, Centro Nasional Chega!

Nudár ema barak hatene, mana Saskia mak lori sai ba rai li’ur filmajen ne’ebé Jornalista Max Stahl halo ba masakre Santa Cruz iha tinan 1991. Mana Saskia lori filmajen ne’e ho maneira barani no determinadu tebes, ikus mai filmajen ida ne’e konsege loke koñesimentu iha nasaun barak no muda prioridade povu no nasaun boot nian kona-ba Indonézia no loke dalan ba Timor-Lorosa’e nia libertasaun.

Mana Saskia mós ativista solidariedade ne’ebé apoiu Timor-Leste ba tinan barak, iha Australia no Netherlands. No mós koordenadóra iha ba Projetu Observadór husi International Federation for East Timor (IFET-OP) iha 1999, Mana Saskia sempre hamriik hamutuk iha povu Timor-Leste nia sorin hamutuk ho kolega solidariedade sira seluk durante tinan barak hodi luta ba auto determinasaun rai doben nian.

Hafoin Konsulta Popular mana Saskia mós involve iha konsultasaun, peskiza no diskusaun sira atu harii organizasaun La’o Hamutuk iha tinan 2000.

Obrigadu barak, mana Saskia, kolega Solidariedade Internasionál tomak, ita-boot sira sempre hetan fatin iha uma Timor-Leste nian. Defende nafatin justisa no solidariedade Umana iha mundu rai Klaran!

As Lutas Kontinuam!
----------------------

People’s Committee gives Solidarity Prize to Saskia


On 10 September 2019, the People’s Committee which organized the Solidarity Conference on 27-29 August offered the Solidarity Prize to Saskia Kouwenberg for her huge contribution to the beloved land, Timor-Leste. The Prize was presented by Sr. Maria de Lourdes Martins Cruz “Mana LU” and the President of the 12 November Committee, Mr. Gregório Saldanha at the Centro Nasional Chega! in Balide.

As many people know, Saskia was the one who brought the film of the 12 November 1991 Santa Cruz massacre, made by journalist Max Stahl, to the rest of the world. Saskia’s determined and courageous carrying the film awakened many people worldwide to the reality of Indonesia’s occupation, moving national priorities and opening the way for Timor-Leste’s liberation.

Saskia was a solidarity activist who supported Timor-Leste for many years, in Australia and the Netherlands, and was a coordinator of the International Federation for East Timor Observer Project (IFET-OP) in 1999. Saskia always stood together with the Timorese people, alongside other solidarity friends, in the long struggle for this country’s self-determination.

After the 1999 Referendum, Saskia was involved in the consultations, research and discussions which led to the formation of the La’o Hamutuk organization in 2000.

We greatly appreciate mana Saskia and all international solidarity colleagues. You will always have a home in Timor-Leste. Continue to defend justice and human solidarity throughout the world!

The struggles continue!

21 August 2019

Konvite ba Konferénsia Solidaridade no Espozisaun Fronteira Maritima

Konvite ba públiku, kona-ba Konferénsia Solidariedade no Espozisaun kona-ba Fronteira Maritima

English translation below
Loron 30 Agostu 2019, mak marka kompletamente tinan 20 Konsulta Popular, ida ne’ebé Povu Timor-Leste barani hasai obrigatóriu Indonézia nia militár husi Timor liu husi votasaun. Ikus mai Timor-Leste atinje ukun rasik an hafoin luta naruk no sofrementu oin-oin.

Grupu sosiedade sivíl no Movimentu Kontra Okupasaun Tasi Timor-MKOTT sei komemora konsulta popular no selebra vitória luta ba Fronteira Maritima.

Sei realiza Konferénsia Solidariedade iha dia 28 no marxa iha dia 29, ne’ebé sei diskute asuntu esensiál sira relasaun ho auto determinasaun no justisa sosiál (video).

MKOTT mós sei realiza espozisaun ida hodi selebra ba vitória no refleta fali luta naruk ne’ebé Povu Timor-Leste liu hodi buka Fronteira Maritima entre Australia no Timor-Leste. Ami enkoraja atu ema hotu bele mai partisipa iha Konferénsia no bele mai vizita espozisaun MKOTT nian iha Asosiasaun HAK, Farol, Dili.

MKOTT mós fa’an faru ne’ebé hakerek Solidariedade ba belun di’ak Bernard Collaery no Witness K, ita-boot sira bele sosa ho $20, nudár kontribuisaun ba MKOTT hodi selu ba nesesidade sira espozisaun nian no servisu sira seluk ne’ebé MKOTT presiza halo tan.

Obrigadu barak. Bele liga ba; Celestino Gusmão: 77432621


Invitation to the public to Solidarity Conference and Exhibition about Maritime Boundaries


30 August 2019 marks the 20th anniversary of the Popular Consultation (referendum), in which the people of Timor-Leste bravely voted to force the Indonesian military occupation to leave. At last, Timor-Leste achieved independence after a long struggle and much suffering.

Civil Society groups and the Movement Against the Occupation of the Timor Sea (MKOTT) will commemorate the Popular Consultation and celebrate the victory in the struggle for a maritime boundary.

There will be a Solidarity Conference on 28 August and a march on 29 August, with discussion of essential issues related to self-determination and social justice.

MKOTT is also holding an exhibition to celebrate the victory and reflect on the long struggle through which the people of Timor-Leste achieved a maritime boundary between Australia and Timor-Leste. We encourage everyone to participate in the conference and to visit MKOTT's exhibition at the HAK Association in Farol, Dili.

MKOTT is also selling T-shirts to express solidarity with our good friends Bernard Collaery and Witness K. You can buy them for $20, as a contribution to MKOTT which will help pay for the exposition and other work.

Thank you very much.




31 January 2019

Informasaun sala no faktu sira kona-ba projetu Greater Sunrise

Iha fin Setembru 2018, Timor-Leste no ConocoPhillips fó sai katak kompañia ConocoPhillips sei fa’an nia partisipasaun 30% iha Konsórsiu Greater Sunrise nian ba Timor-Leste ho tokon $350. Hafoin fulan ida tuirmai, Shell konkorda atu fa’an ninia partisipasaun 26.56% ho tokon $300 tan. Timor-Leste debate hela lei no orsamentu hodi bele implementa ba tranzasaun sira ne’e.

Tanba akontesimentu sira ne’e, hamosu diskusaun ho artigu oin-oin ne’ebé hakerek husi jornalista sira, ukun na’in no matenek na’in sira. Infelizmente komentáriu barak la fó kontextu loloos no inklui informasaun ne’ebé laloos. La’o Hamutuk publika lista ne’e iha kraik kona-ba kompriensaun públiku sira ne’ebé sala ho faktu sira ne’ebé relevante, hodi ajuda públiku atu komprende di’ak liután asuntu ida ne’e. Ami espera katak artigu ne’e sei hadi’ak liu kualidade no halo loos iha reportajen oin mai.

Hodi hetan informasaun tan iha Inglés, ne’ebé atualizadu regulármente, kona-ba projetu Sunrise no Timor-Leste nia partisipasaun, haree iha http://www.laohamutuk.org/Oil/Sunrise/18SunriseBuyout.htm. Blog ida ne'e atualiza iha loron 8 Marsu 2019.

Kompriensaun sala Faktu loloos
Timor-Leste sei sosa partisipasaun (ka stock / ekidade / ações / asaun / saham) iha ConocoPhillips no Shell. Kompañia sira ne’e konkorda ona atu fa’an sira nia parte iha Konsórsiu Sunrise nian ba Timor-Leste. Modelu negósiu hanesan ne’e la’ós sai buat ne’ebé foun iha indústria petróleu nian. Maibé, atu hola parte iha konsórsiu la hanesan bainhira ita sosa kompañia ida nia partisipasaun ka stock ne’ebé fasil atu fa’an fila fali lahó obrigasaun tan. Partisipante sira iha konsórsiu hanesan ne’e iha kompromisu ona atu investe dolar biliaun balun tan no mós fahe responsabilidade hodi jere projetu. Bainhira troka na’in husi konsórsiu ne’e, tenke hetan aprovasaun husi partisipante sira seluk.

Iha mundu tomak poténsia ba projetu petróleu barak mak iha lukru aas liu duké Greater Sunrise. Nune’e, posibilidade boot katak kompañia lejítimu sira ho esperiénsia sei la iha interese iha Sunrise bainhira sira la hetan benefísiu espesiál.
Negósiu sira ne’e hatudu katak kompañia boot sira tau fiar ba Timor-Leste nia kapasidade hodi kaer projetu Sunrise. Shell no ConocoPhillips sei la envolve tan iha projetu Sunrise. Sira kontente hodi simu Timor-Leste nia osan bainhira sira husik projetu ne’ebé sei la dezenvolve tuir dalan ne’ebé sira fiar bele hetan lukru boot liu.
Pipa husi Sunrise to’o Beaçu ne’e teknikamente la posivel. Maski karik ne’e loos iha tinan 15 liubá, ohin-loron ema hotu konkorda katak bele dada pipa gas hakat liu iha tasi okos Timor Trench (trinxeira), parte tasi nian ne’ebé kle’an no naruk tebes entre Sunrise no Beaçu.

Maibé, ida ne’e sei karun liu no iha risku boot liu duké modelu dezenvolvimentu sira seluk.
La presiza halo análize ka komparasaun ba opsaun alternativu hodi dezenvolve Sunrise. La’o Hamutuk fiar katak dezenvolvimentu sira ba oin presiza maximiza benefísiu ba povu Timor-Leste, no iha tempu hanesan presiza minimiza kustu no risku. Opsaun hotu ne’ebé iha posibilidade presiza haree didi’ak husi peritu independente sira, hodi nune’e bele foti desizaun ne’ebé bazeia ba ekonomia husi projetu. Proponente sira ne’ebé hakarak dada pipa ba Beaçu seidauk fó sai ba públiku (ka seidauk halo) komparasaun atuál ho opsaun sira seluk, ezemplu hanesan dada pipa ba planta LNG Darwin ne’ebé eziste hela ka planta LNG namlele, no ita la hatene publikasaun hanesan ne’e iha ona ka lae.
Timor-Leste nia investimentu tomak iha projetu ida ne’e mak tokon $650. Partisipante sira iha konsórsiu iha responsabilidade atu selu sira nia parte husi kustu kapitál no kustu operasaun ba projetu ne’e, atu simu fila fali parte husi nia lukru. Ida ne’e iha adisionál ba tokon $650 hodi sosa partisipasaun 56.56%, Timor-Leste sei presiza atu investe tan biliaun $10 resin hodi fasilita produsaun ba mina no gas husi Sunrise.
Presiza muda lei hodi negósiu fa’an-sosa sira ne’e bele la’o ba oin. Sosa partisipasaun iha Sunrise bele la’o ho lei ne’ebé en vigor, nune’e la presiza halo alterasaun ba Lei Atividade Petrolíferu no. 13/2005.
Prezidente veta partisipasaun iha projetu Sunrise. Prezidente la veta ba partisipasaun iha konsórsiu ne’e, tanba lejizlasaun ne’ebé aprezenta ba nia la inklui partisipasaun ne’e. Nia veta lei ida ne’ebé atu altera Lei Atividade Petrolíferu 13/2005, alterasaun ida ne’e fó dalan ba investimentu TimorGap nian atu mai diretamente husi Fundu Petrolíferu. Parte ida ne’e kontradís ho Lei Fundu Petrolíferu 9/2005 (ne’ebé altera tiha ona iha 2011). Maske nune’e, hafoin Parlamentu ultrapasa veto ne’e, Prezidente promulga sai Lei 1/2019, no lei ida ne’e agora daudaun sei pendente hela iha tribunál.

Seidauk iha proposta lejizlasaun atu finansia dolar biliaun balun ba investimentu ne’ebé projetu Sunrise sei presiza.
Timor-Leste presiza altera Lei Atividade Petrolíferu hodi nia bele sai na’in ho partisipasaun liu 20% iha projetu petrolíferu. TimorGAP (kompañia públiku Timor-Leste nian) sai ona na’in ba partisipasaun 50% iha Kontratu rua Fahe Produsaun (KFP/PSC) iha rai maran, 100% iha PSC S0-15-01 iha tasi, no 24% iha PSC JPDA 11-106 iha tasi. Lei ne’ebé eziste daudaun la prevene Timor-Leste atu sai na’in ba 30% ka liu iha Sunrise, tanba limita 20% la aplika ba sosa partisipasaun.
Presiza dois tersu (deputadu/a na’in 44) ka maioria simples (deputadu/a na’in 33) husi Parlamentu hodi revoga Prezidente nia veta. Ita bele debate tópiku ida ne’e; Konstituisaun la klaru tanba asuntu prinsipál sira, inklui Orsamentu Estadu 2019, presiza 2/3 husi deputadu/a sira ne’ebé marka prezensa, maibé asuntu sira seluk presiza de’it maioria absoluta husi Parlamentu.

Iha loron 10 fulan Janeiru, Membru Parlamentu na’in 41 vota a favór hodi kontra Prezidente nia veta ba alterasaun Lei Atividade Petrolíferu (iha ema ida de’it mak vota kontra, no Fretilin abandona plenária). Maske tuir mai  prezidente promulga duni lei ne’e, no Membru Parlamentu na’in 23 agora kontesta hela lei nia konstitusionálidade no legalidade iha Tribunál de Rekursu.
Akordu fa’an-sosa sira mak komplikadu liu; nune’e Kámara Kontas iha Tribunal la bele halo avaliasaun. Lejizlasaun ne’ebé propoin sei hasai kontratu hotu-hotu no dokumentu legal seluk ne’ebé liga ba petróleu husi fiskalizasaun previa Kámara Kontas nian sei nafatin iha futuru. Ne’e la limita ba akordu fa’an-sosa, ka ba Sunrise, maibé bele mós aplika ba akordu finansiál ba projetu saida de’it ne’ebé iha relasaun ho petróleu.

Iha fulan Dezembru, Reprezentante Espesiál Xanana Gusmão hateten sai liu husi GMN-TV katak akordu fa’an-sosa mak komplikadu tebes ba Kámara Kontas atu bele kompriende, no Timor-Leste tenke fiar relatóriu ne’ebé taka ba públiku “Due Diligence/Uji Kelayakan” sira husi PriceWaterhouseCoopers (PWC). La’o Hamutuk fiar katak akordu sira nia kustu no kompleksidade mak sai razaun tanbasá presiza duni transparénsia, kontrolu ho balansu, no revizaun independente previa ba akordu sira-ne’e.
Públiku bele asesu akordu fa’an-sosa no relatóriu “Due Diligence” sira. Maski Reprezentante Espesiál ho fiar an tebes ko’alia ba públiku iha Sentru Konvensaun Dili (iha televizaun nasionál) katak dokumentu sira ne’e dokumentu públiku, maibé dokumentu sira seidauk bele asesu husi públiku, maski La’o Hamutuk halo pedidu tiha ona ba TimorGAP no Gabinete Fronteira Maritima hodi hetan dokumentu sira ne’e.
Lei Fundu Petrolíferu en vigor ne’e permite uza parte husi Fundu ne’e hodi investe ba Sunrise. Artigu 15.1 husi Lei Fundu Petrolíferu No. 9/2005 ne’ebé altera ona iha tinan 2011 temi espesifikamente katak investimentu hotu husi Fundu ne’e tenke iha rai li’ur. Parágrafu seluk iha Artigu 15 temi katak másimu 5% bele uza ba ‘investimentu elegíveis seluk’ (ez. buat seluk husi títulu no ekidade sira), no mós katak la bele halo investimentu liu 3% ba kompañia ida. Maski alterasaun ba Lei Atividade Petrolíferu loke posibilidade ba halo investimentu husi Fundu ba TimorGAP, ne’e la altera Lei Fundu Petrolíferu.

Dalan seluk atu hetan osan hodi sosa partisipasaun husi Sunrise mak liu husi aloka ba Orsamentu Estadu, ne’ebé kuaze 90% mai husi Fundu Petrolíferu. Orsamentu Estadu 2019 dahuluk ne’ebé pasa ona husi Parlamentu inklui tokon $650 ba ConocoPhillips no Shell. Maske nune’e hafoin Prezidente veto tiha orsamentu ne’e,  Parlamentu hasai alokasaun refere. Alokasaun orsamentál di’ak mak liu husi meius transparente, demokrátiku no legal atu uza Fundu Petrolíferu hodi selu parte husi Projetu Sunrise, sem estraga seguransa no akontabilidade husi Fundu Petrolíferu no la kria konfuzaun entre despeza no investimentu.
Timor-Leste sei presiza selu multa ba kompañia sira se karik seidauk selu pagamentu iha fulan Marsu 2019 nia rohan. Akordu ho ConocoPhillips dehan katak se tokon $350 seidauk selu iha fulan Marsu nia rohan, Timor-Leste sei selu funan (la’ós multa) kada fulan ba balansu ne’ebé seidauk selu, 5% funan anuál. Entre Novembru 2018 no Janeiru 2019, Timor-Leste hetan retornu anualizadu 9.3% husi Fundu Petrolíferu, tan ne’e karik Timor-Leste bele hetan benefísiu finansiál husi investimentu Fundu Petrolíferu se ita rai osan iha Fundu no selu depois. Ita seidauk hatene katak iha deadline ka lae, bainhira mak presiza selu. Ita la hatene se iha prazu fiksu hodi halo pagamentu ka lae.
Pagamentu ba Shell iha prazu to’o fulan Marsu 2020.
Osan hotu ne’ebé kompañia sira no Timor-Leste investe iha Projetu Sunrise sei hetan fila fali, ho aumenta tan 127%, hanesan saida mak akontese ba kompañia sira ne’ebé investe iha Bayu-Undan. (Atu dehan katak bainhira halo investimentu $100 sei simu osan fali $227). Parte husi fraze ne’e mak loos. Maski nune’e, Bayu-Undan nia rejime taxa hetan dezeña hodi prioritiza kompañia nia interese duké governu nian, no Sunrise sei la presiza uza sistema hanesan ne’e. Mezmu karik Sunrise uza regra sira ne’ebé hanesan, regra sira ne’e sei aplika de’it ba investimentu iha kampu (upstream), no sei la aplika ba sosa partisipasaun, ka ba pipa no planta LNG.

Bainhira fa’an gas, osan sira ne’e sei uza hodi selu fali investidór sira. Timor-Leste sei hetan 56.56% husi ne’e, ho fahe restu montante ba investidór sira seluk. Osan ne’ebé selu fali ba investidór sira sei hamenus totál taxa ne’ebé Timor-Leste sei simu husi produsaun mina no gas Sunrise nian. Nune’e karik kustu kapitál ne’ebé boot liu sei la fó benefísiu ba Estadu.
Timor-Leste simu ona liu biliaun $5 tanba halo diversifikasaun ba Fundu Petrolíferu nia investimentu iha ekidade internasionál hahú iha tinan 2012. Entre inísiu 2013 no fin 2018, Fundu Petrolíferu simu ona biliaun $1.95 husi osan funan, no dezde uluk se Timor-Leste  investe de’it iha títulu sira osan simu ne’e sei ho montante hanesan de’it. Investimentu ba asoens sira aumenta nia valór ba biliaun $1.97 durante periodu ne’ebá, no durante ne’e folin ba asoens globál sira di’ak tebes.
Iha periodu hanesan, Fundu Petrolíferu mós simu biliaun $6.93 husi reseita mina no gas no lakon biliaun $0.64 tanba iha mudansa iha valór troka-moeda iha merkadu internasionál.
Projetu Sunrise sei hetan susesu tanba Timor-Leste nia lider sira hakarak tebes atu halo ne’e sai susesu. Karik Timor-Leste hetan finansa ho kustu ne’ebé ki’ik no risku ne’ebé ki’ik, ho dezeñu, konstrusaun no jestaun Projetu Greater Sunrise nian la’o ho perfeitu, sei nafatin iha fatór balu ne’ebé Timor-Leste labele kontrola. Sunrise sei prodús LNG ba tinan 25, no folin gas naturál bele tun maka’as bainhira fonte sira ne’ebé la konvensional (hanesan fracking ka perfurasaun sízmiku ba rai maran) kontinua aumenta, ou bainhira enerjia renovavel troka mina no gas. Konsekuénsia sira husi mudansa klimátika bele rezulta iha nasaun sira atu halo taxa (ka bandu) sunu mina no gas, ne’ebé bele hafraku Sunrise nia ekonomia. La iha serteza ba buat hirak ne’e, maibé iha risku ne’ebé sériu.
Karik projetu ne’e hetan aprovasaun lalais liu, Greater Sunrise sei fó reseita nato’on ba Timor-Leste lalais hodi prevene Fundu Petrolíferu tun ba zeru iha maizumenus tinan sanulu ba oin. La’o Hamutuk halo estimasaun katak Timor-Leste nia Fundu Petrolíferu bele mamuk iha 2027, maski karik Estadu la gasta ka investe iha Projetu Sunrise. Karik Timor-Leste uza Fundu hodi investe (diretamente ka liu husi Orsamentu Estadu) iha Sunrise no Tasi Mane, iha posibilidade katak Fundu sei mamuk iha tinan hirak mai molok 2027.

Se karik buat hotu-hotu tuir planu, proponente sira Projetu Sunrise nian iha espetativa ba produsaun atu hahú iha tinan 2026 nia rohan. Maski nune’e, bainhira haree tuir esperiénsia husi Bayu-Undan no projetu sira seluk, ita bele haree reseita boot la mai to’o tinan rua hafoin produsaun komesa hala’o. Ne’e tanba foufoun produsaun bele la’o neineik no iha tempu hanesan investidór sira tenke hetan fila fali sira nia osan inan. Karik Projetu Sunrise implementa ho perfeitu, Timor-Leste sei enfrenta austeridade – situasaun laiha osan sufisiente atu selu ba servisu báziku. Só bele prevene ne’e bainhira halo diversfikasaun ekonomia ho lalais iha setór sira ne’ebé la’ós mina.
Karik Greater Sunrise la prodús reseita no lukru ne’ebé tuir espetasaun, instituisaun ne’ebé finansia projetu (liu-liu Xina) bele fó sansaun todan ba Timor-Leste. Ida ne’e halo ema preokupa, no iha posibilidade katak ne’e loos. Bainhira Kámara Kontas revee akordu empréstimu sira, ne’e sei hamenus perigu ida ne’e.

Iha nasaun balu, inklui Sri Lanka, Myanmar no Angola, akordu empréstimu obriga produsaun-na’in sira ba mina no gas tenke fa’an fali ba sira nia kreditór sira ho folin baratu liu duké folin merkadu nian, ka fó dalan ba ajénsia emprestido̒r internasionál sai na’in ba infrastrutura xave. Maski nune’e, se karik projetu hetan lukru boot duni, Timor-Leste sei la presiza asina akordu ne’ebé obriga kondisaun todan ba Timor-Leste - no, se karik projetu la hetan susesu, di’ak liu la implementa projetu.
Ita tenke halo parte hotu husi Projetu Tasi Mane ne’ebé proposta hela hodi lori pipa Sunrise mai Timor-Leste. Pipa Greater Sunrise no Projetu LNG, presiza infrastrutura iha kampu tasi-laran Sunrise nian; presiza mós pipa gas nian iha tasi okos no planta LNG, no kais ba ró boot sira iha Beaçu. La presiza auto-estrada iha kosta súl, refinaria iha Betano ka base fornesimentu lojistiku iha Suai (Suai Supply Base). Karik kansela no la kontinua ho komponente projetu sira seluk, ne’e la kria obstákulu tékniku ka ekonómiku atu kontinua projetu Beaçu LNG. Komponente ida-idak husi Projetu Tasi Mane tenke deside tuir ninia prosesu keta-ketak, ho análize independente no imparsiál ba kustu, benefísiu no risku.

16 January 2019

Misinformation and facts about the Greater Sunrise project

At the end of September 2018, Timor-Leste and ConocoPhillips announced that the company will sell its 30% share of participation in the Greater Sunrise Joint Venture to Timor-Leste for $350 million. A month later, Shell agreed to sell its 26.56% share for $300 million more. Timor-Leste is debating laws and budgets to implement these transactions.

These events have stimulated a lot of talking and writing by journalists, leaders and experts. Unfortunately, much of the commentary has included inaccurate context and factual errors. La’o Hamutuk is publishing this list of common misunderstandings, with relevant facts, to help people understand the issues better. We hope that it will also improve the accuracy of future reporting.

For additional, regularly updated, information about the Sunrise project and Timor-Leste’s participation, see http://www.laohamutuk.org/Oil/Sunrise/18SunriseBuyout.htm. This blog was updated on 6 March 2019.

Misunderstanding Actual reality
Timor-Leste is buying shares (or stock / ações / asaun) in ConocoPhillips and Shell. The companies agreed to sell their ownership of parts of the Sunrise Joint Venture to Timor-Leste. This kind of deal is common in the petroleum industry. However, part of a joint venture is not the same as shares of a company’s stock, which can easily be resold and don’t involve additional obligations. Participants in a joint venture such as this commit to invest billions of dollars more and are responsible for managing the project. Changes in ownership must be approved by other participants.

The world contains many prospective petroleum projects which are likely to be more profitable than Greater Sunrise, and experienced, legitimate companies may choose to invest elsewhere unless special incentives are offered to buy into the Sunrise project.
The deals show that the companies trust Timor-Leste’s capability to carry out the Sunrise project. Shell and ConocoPhillips will no longer be involved in Sunrise. They are happy to receive Timor-Leste’s money in return for pulling out of a project that will not be developed in ways they believe are the most profitable.
A pipeline from Sunrise to Beaçu is not technically feasible. Although this may have been true 15 years ago, today everyone agrees that it is possible to run an undersea gas pipeline across the deep, steep Timor Trench between Sunrise and Beaçu.

However, it is likely to be more expensive and riskier than other development models.
There is no need to analyze or compare alternative development options for Sunrise. La’o Hamutuk believes that Sunrise development should maximize the benefits for Timor-Leste’s people, while minimizing costs and risks, and all possible options should be compared by independent experts, leading to a decision based solely on economics, not politics or ideology. Proponents of the pipeline to Beaçu have not released (or not done) recent comparisons of it with other options, such as a pipeline to the existing Darwin LNG plant or floating LNG.
Timor-Leste’s investment in this project will be $650 million. Participants in a joint venture are responsible to pay their portion of the capital and operating costs of the project, in return for receiving part of the profits. In addition to the $650 million to buy 56.56% participation, Timor-Leste will have to invest more than $10 billion to enable Sunrise oil and gas production.
Changes to legislation are required for these deals to move ahead. The Sunrise buy-in could proceed under existing law, without amending Petroleum Activities Law 13/2005.
The President vetoed participation in the Sunrise project. The President did not veto participation in the joint venture, as this was not in the legislation presented to him. The vetoed law amending Petroleum Activities Law 13/2005 includes a clause allowing the Petroleum Fund to be directly invested in TimorGAP, which contradicts Petroleum Fund Law 9/2005 (as amended in 2011). However, Parliament overrode the veto, the President promulgated the law, and it is being challenged in court.

However, there are other ways to finance the project, including through the State Budget. The 2019 budget originally passed by Parliament included $650 million to purchase participation, but it was vetoed by the President, and Parliament removed the allocation before final approval and promulgation.
No legislation to finance the billions in additional investment that the Sunrise project will require has been submitted.
An amendment to the Petroleum Activities Law is needed to allow Timor-Leste to own more than 20% of a petroleum project. TimorGAP already owns 50% of two onshore Production-Sharing Contracts (PSCs), 100% of offshore PSC S0-15-01, and 24% of PSC JPDA 11-106. Existing law does not prevent Timor-Leste from owning 30% or more of Sunrise, as the 20% limit does not apply to purchased participation.
It requires two-thirds (44 Members) or a majority (33 Members) of Parliament to override a Presidential veto. This is subject to debate; the Constitution is ambiguous as major issues require 2/3 of those present, while others require an absolute majority of Parliament. On 10 January, 41 Members of Parliament voted to override the President’s veto of the amendment to the Petroleum Activities Law (only one voted against, as Fretilin walked out). Although the President subsequently promulgated the law, its legality and constitutionality is being challenged in court.
The purchase agreements are too complicated to be evaluated by the Audit Chamber of the Appeals Court (Camara da Contas). The proposed legislation removes all petroleum-related contracts and other related legal documents from prior review by the Audit Chamber, forever. It is not limited to purchase agreements, or to Sunrise, and could also apply to financing agreements for any petroleum-related project.

In December, Special Representative Xanana Gusmão told the GMN-TV audience that the purchase agreements are too complicated for the Audit Chamber to understand, and that Timor-Leste should trust the undisclosed “Due Diligence” reports by PriceWaterhouseCoopers (PWC). La’o Hamutuk believes that the agreements’ cost and complexity is exactly why transparency, checks and balances, and prior independent review are essential.
The purchase agreements and “Due Diligence” reports are public documents. Although the Special Representative emphatically announced at Dili Convention Center (on national television) that these documents are public, they have not been made available, although La’o Hamutuk has asked TimorGAP and the Maritime Boundaries Office for them.
The current Petroleum Fund Law permits part of the Fund to be invested in Sunrise. Article 15.1 of Petroleum Fund Law No. 9/2005 as amended in 2011 specifies that all of the Fund’s investments must be outside of Timor-Leste. Other clauses in Article 15 say that up to 5% of the investments can be ‘non-traditional’ (i.e. other than bonds and stocks), and that no more than 3% can be in any one company. Although the (vetoed) alteration of the Petroleum Activities Law opens the possibility for the Fund to be invested in TimorGAP, it does not revise the Petroleum Fund Law.

Parliament could allocate money through the State Budget process to invest in the Sunrise field (the proposed 2019 budget includes $650 million to pay ConocoPhillips and Shell, and the Petroleum Fund will finance 88% of the State Budget). This would be a legal way for the Petroleum Fund to pay for part of the Sunrise Project without damaging the security, transparency and accountability of the Petroleum Fund.
Timor-Leste will have to pay fines to the companies if payments are not made by March 2019. The agreement with ConocoPhillips says that if $350 million is not paid by the end of March, Timor-Leste will have to pay 5% annual interest (not a fine) on the unpaid balance. From November 2018 through January 2019, Timor-Leste received 9.3% (annualized) return from investing the Petroleum Fund, so Timor-Leste could benefit financially by paying later and keeping the money in the Fund longer. We do not know if there is an absolute deadline for making the payment.

The payment to Shell is not due until March 2020.
Money invested by companies and Timor-Leste in the Sunrise project will be repaid, with 127% more added, just as was done for the companies who invested in Bayu-Undan. (In other words, a $100 investment will be repaid with $227.) This is partly true. However, Bayu-Undan’s tax regime was designed to favor the companies’ interests over those of governments, and Sunrise doesn’t have to use the same system. Even if Sunrise uses these earlier rules, this would apply only to the investment at the field (upstream), but not to the purchase of participation, or to the pipeline and LNG plant.

As gas is sold, money is used to repay investors, and Timor-Leste will get 56.56% of this, with the rest shared among the other investors. These repayments will reduce the royalties and taxes Timor-Leste will receive from Sunrise oil and gas production, so larger capital costs may not benefit the State.
Timor-Leste has received more than $5 billion because it diversified Petroleum Fund investments into the stock market starting in 2012. Between the start of 2013 and the end of 2018, the Petroleum Fund received $1.95 billion in interest and dividends, which would have been received even if all the investments had remained in bonds. Its stock investments grew in value by $1.97 billion during that period, during which the global stock prices did very well.

During the same period, the Fund received $6.93 billion in oil and gas revenues and lost $0.64 billion due to changes in currency exchange rates.
The Sunrise project will succeed because Timor-Leste’s leaders are determined to make it work. Even if Timor-Leste obtains low-cost, low-risk financing, and the design, construction and management of the Greater Sunrise project are done perfectly, some factors are not within Timor-Leste’s control. Sunrise will be producing LNG for a quarter of a century, and the price of natural gas could drop drastically as non-conventional sources (i.e. fracking) continue to grow, or as renewable energy replaces fossil fuels. The consequences of climate change could cause nations to tax (or even outlaw) burning oil and gas, undercutting the economics of Sunrise. None of this is certain, but it is a serious risk.
If the project is approved expeditiously, Greater Sunrise will provide enough revenue to Timor-Leste in time to prevent the Petroleum Fund from being drawn down to zero in about ten years. La’o Hamutuk estimates that Timor-Leste’s Petroleum Fund could be empty by 2027 even if the State does not spend or invest in the Sunrise project. If the Fund is invested (directly or through the State Budget) in Sunrise and Tasi Mane, it could be empty several years sooner.

If everything goes as planned, proponents of the Sunrise project expect production to start toward the end of 2026. However, the experience of Bayu-Undan and other projects is that significant revenue does not come in until about two years after production begins, because production ramps up slowly and capital investors must be repaid first. Even if Sunrise goes perfectly, Timor-Leste will probably face several years of austerity – not having enough money to pay for basic services – unless the economy is rapidly diversified into non-oil sectors.
If Greater Sunrise does not produce the expected revenue and profit, project financers (especially China) could impose severe sanctions on Timor-Leste. This is worrisome, but might be correct. Having loan agreements reviewed by the Audit Chamber will reduce or avoid this danger.

In some countries, including Sri Lanka, Myanmar and Angola, loan agreements have forced gas and oil producers to sell to the lender at below-market prices, or have allowed foreign lenders to take ownership of key infrastructure. However, if the project is profitable, there is no need to sign financing agreements which impose harsh conditions on Timor-Leste – and, if it is not, it shouldn’t be done in the first place.
All the proposed components of the Tasi Mane Project are necessary to bring the Sunrise pipeline to Timor-Leste. The Greater Sunrise pipeline and LNG project require the infrastructure at the offshore Sunrise field, the undersea gas pipeline, and the LNG plant and tanker jetty at Beaçu. It does not need the South Coast highway, Betano refinery or the Suai Supply Base. No economic or technical reason prevents Beaçu LNG from going ahead even if the other components are cancelled. Each component of the Tasi Mane Project should be decided separately, with its own independent, objective, cost/benefit/risk analysis.