08 July 2010

Fo input ba konsulta kona-ba perforasun mina-rai nian iha Cova

Kompania Mina-rai gigante Italia nian, Eni, konvida komentariu ba nia proposta Estatementu Impaktu Meiu-ambiente nian no Planu Jestaun Meiu-ambiente nian ba explorasaun perfurasaun (posu) Cova-1. Karik hetan aprovasaun, posu ida ne’e sei sai posu ida ne’ebe fura dahuluk iha Timor-Leste nia area ezklusivu. Submisaun sira ne’e sei hato’o ba iha Diresaun Nasional Meu-Ambiente RDTL nian to’o iha loron 23 Julhu.

Eni iha kontratu tan ho kompania Italia nian, Saipem ( ne’ebe nia iha asoens 43%), atu fura posu eksplorasaun Cova-1 ne’ebe klean liu. Posu ne’e sei iha metru 1,930 ba tasi nia klean, no sei aumenta metru 4,200 husi tasi okos. Cova nia Estatementu Impaktu Meiu-ambiente nian  hateten sai katak ida ne’e aktividade ida ne’ebe iha risku ne’ebe as duni (foin dadauk mina-fakar iha Golfo Mexico nian iha metru 1,500 iha be’e okos). Eni hein atu hahu’u perfurasaun iha Setembru.

La’o Hamutuk publika ona pajina web ida kona-ba projeitu ida ne’e, ho nia hu’un no dokumentu ne’ebe Eni propoin iha lian Tetum no lian seluk.

Karik ita boot sira la hakerek ita boot sira nia submisaun maibe iha informasaun ka hanoin ruma ne’ebe hakarak atu La’o Hamutuk inklina iha ami nia submisaun, bele haruka mai. Obrigadu barak.

No comments:

Post a Comment