16 July 2010

Impaktu Eksploitsaun Mina no Gas ba Destruisaun Sosial no Meiu-Ambiente

Konvite ba  Enkontru Publiku iha loron 29 Jullu                           
    Oilwatch rede internasional ida ne’ebé kontra konsekuensia aat husi atividade kompañia petroleum nian liu-liu iha nasaun tropikal sira. Oilwatch ne'e rede ida ne’ebé promove solidariedade no haforsa identidade ne’ebé hanesan entre nasaun sira ne'ebé foin dezenvolve-an. Oilwatch komprende modelu eksploitasaun ba rekursu iha nasaun foin dezenvolve-an sira ohin loron nian ne'ebé la fo kbiit ba povu  no la respeita povu nia direitu atu halo desizaun ba sira nia rekursu rai nian. Oilwatch rede rezistensia nian kontra impaktu negativu husi atividade industria mina no gas ba ema no ba sira nia meiu-ambiente.
    Tinan ne'e nudar membru ida husi Oilwatch, La’o Hamutuk sei sai uma nain ba enkontru regional Oilwatch Asia Sudeste nian, ho partisipante sira husi Indonesia, Filipina, Burma, Tailandia no Nigeria. La’o Hamutuk mos hakarak aproveita oportunidade ne'e atu povu Timor-Leste mos bele aprende buat foun ruma husi Oilwatch nia esperiensia, no kona-ba impaktu industria mina no gas iha rai seluk. Tan ne'e liu husi karta ne'e ami hakarak konvida ita boot sira mai partisipa iha Enkontru Publiku IMPAKTU EKSPLOITSAUN MINA NO GAS BA DESTRUISAUN SOSIAL NO MEIU-AMBIENTE, ho narador husi Oilwatch Asia Sudeste no Oilwatch Internasional,  ne'ebé sei hala’o iha:
  • Fatin    : Auditorium Liceu - UNTL
  • Data    : Kinta 29 Jullu 2010
  • Horas    : 08:30 – 13:00 OTL

No comments:

Post a Comment